«Спробы перапісаць гісторыю сталі яшчэ больш лютымі». Лукашысты звярнулі ўвагу на асартымент беларускіх кнігарняў
Прадстаўленая ў беларускіх кнігарнях гістарычная літаратура «павінна адпавядаць нашай дзяржаўнай гістарычнай палітыцы», заявіў 15 кастрычніка на пасяджэнні Рэспубліканскай рады па гістарычнай палітыцы пры адміністрацыі Лукашэнкі дэпутат Палаты прадстаўнікоў, былы дырэктар Інстытута гісторыі НАНБ Вячаслаў Даніловіч.
«Да нас не павінна трапляць экстрэмісцкая літаратура», — дадаў Даніловіч.
Таксама ён падкрэсліў, што ў фокусе ўвагі рады будуць «тэмы кандыдацкіх і доктарскіх дысертацый».
Кіраўнік адміністрацыі Лукашэнкі Дзмітрый Круты, які адначасова кіруе і Рэспубліканскай радай па гістарычнай палітыцы, заявіў, што «пасля 2020 года спробы перапісаць гісторыю сталі яшчэ больш лютымі з боку і беглай апазіцыі, і заходніх палітыкаў».
Адзначыўшы, што «барацьба за захаванне нашага гістарычнага мінулага, на жаль, з’яўляецца не менш важнай і не менш вострай, чым эканамічнае супрацьстаянне, інфармацыйная барацьба ці нават недзе ваенная», Круты назваў задачай рады «аператыўнае рэагаванне на разнастайныя правакацыі, фэйкі», якія, паводле яго сцвярджэння, на Беларусь «льюцца штодня».
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары