Бернардзінскі кляштар XIX стагоддзя ў Дуброўне, унесены ў спіс гісторыка-культурных каштоўнасцяў Беларусі, выставілі на таргі. Аўкцыён павінен адбыцца 2 снежня, стартавая цана — 371 тысяча рублёў, піша «Смартпрэс».
Манастыр пабудавалі з бярвення ў стылі барока ў XVII стагоддзі, але ён быў знішчаны пажарам у канцы XVIII стагоддзя. Пазней яго адбудавалі ў камені, але і той варыянт цалкам не захаваўся.
Калі верыць легендзе, то манастыр загадаў спаліць ягоны ж уладальнік, Францішак Любамірскі, нібыта з-за таго, што манахі нібыта абвянчалі ягоную дачку з бедным шляхціцам. Але пазней Любамірскі аднавіў будынак.
Цяпер ад усяго манастыра захаваўся толькі двухпавярховы жылы корпус, пабудаваны ў 1809 годзе. Ён займае плошчу ў 456 квадратных метраў. Разам з пабудовай прадаецца і зямельны ўчастак з тэрмінам арэнды на 50 гадоў.
Вядома, што касцёл быў закрыты ў 1930-я гады. У ім размяшчаліся рабфак і школа. У 1990-х у манастыры правялі частковую рэстаўрацыю — замянілі дах, умацавалі перакрыцці. Але пасля гэтага работы надоўга спыніліся.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?5
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары