Расійскі алігарх па выніках выбараў у ЗША прагназуе падзенне цэн на нафту
Алег Дзерыпаска прадказаў абвал нафты да $50 праз перамогу Дональда Трампа на прэзідэнцкіх выбарах у ЗША.
Мільярдэр Алег Дзерыпаска пракаментаваў перамогу Дональда Трампа на выбарах прэзідэнта ЗША. «Добрай раніцы, новы свет. Нафта да 50 даляраў да мая, мір, падобна, будзе ўсюды», — напісаў бізнэсовец.
У сваёй першай прамове пасля перамогі на выбарах Трамп абяцаў пачаць масавую распрацоўку нафтавых свідравін. «У нас больш чорнага золата, чым у любой іншай краіны ў свеце. Больш, чым у Саудаўскай Аравіі, больш, чым у Расіі», — сказаў Трамп. Пасля гэтай заявы нафта маркі Brent знізілася на 2%, піша The Moscow Times.
Раней Трамп заяўляў, што за 24 гадзіны ўрэгулюе ўкраінскі крызіс. На ягоную думку, пры цане нафты на ўзроўні $40 за барэль Расія не магла б весці баявыя дзеянні, а нафта па $100 за барэль дазволіла Маскве мець вялікі вайсковы бюджэт.
Нафтавыя кампаніі ЗША лабіравалі прыход Трампа і спансавалі яго прэзідэнцкую кампанію.
Ён можа даць дадатковыя экалагічныя і падатковыя паслабленні нафтавай прамысловасці, што павялічыць здабычу і надасць імпульс для росту капіталізацыі сыравінных кампаній.
Трамп заяўляў, што ЗША заробяць цэлае багацце на продажы энергарэсурсаў у Еўропу.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары
Ў гародзе бузіна , а ў Кіеве дзядзька )
Бізнэсоўцы на ўсё глядзяць з боку прыбытку . Ў свеце заўсёды былі войны.
Нават калі людзям нафта ні на ... не здавалася )