Грамадства3838

Марзалюк: Мяне раздражняе гэтая мантра — «у нас едіная історія, у нас едіный язык»

Дэпутат і член-карэспандэнт Нацыянальнай акадэміі навук выказаў свой погляд на супольную гісторыі народаў Украіны, Расіі і Беларусі і практыку перапісвання падручнікаў па гісторыі.

«Немагчыма адмовіць хрышчэнне ў дняпроўскай купелі. Беларусы, як і рускія, як і ўкраінцы, гэта народы ўсходнееўрапейскай, усходнехрысціянскай цывілізацыі. Мы — народы поствізантыйскага культурнага кола. Мы народы ўсходняга хрысціянства», — заявіў Ігар Марзалюк у эфіры праграмы «Скажінемолчі» на БТ.

Гісторык таксама адзначае спецыфіку народа Беларусі, значная частка якога належыць да рыма-каталіцкай лацінскай традыцыі, але «не сінанімічна палякам і Польшчы».

«Але пры ўсім пры тым ні каталіцкая, ні пратэстанцкая традыцыі, ніякая іншая канфесійная традыцыя не вызначыла абрысы той цывілізацыйнай спецыфікі, якая пасля хрышчэння гістарычнай Русі захоўваецца да сённяшняга дня ў нашым розуме, у нашым сэрцы, у нашай матывацыі, у нашых паводзінах. Усё тое, што называецца французскім словам менталітэт», — адзначае гісторык і працягвае:

«Пры гэтым, хачу сказаць, мяне, мякка кажучы, раздражняе гэтая мантра: «у нас едіная історія», «у нас едіный язык». У нас самабытная беларуская гісторыя, у нас самабытная беларуская мова, якая ў выніку неспрыяльных умоў, калі з нас хацелі зрабіць большых палякаў, чым самі палякі, а потым большых велікаросаў чым самі велікаросы, пэўныя свае пазіцыі страціла.

Гэта не значыць, што кагосьці трэба гвалціць. Але вось гэтыя казкі пра добраахвотныя пераходы для мяне як для гісторыка, яны абразлівыя на самой справе».

Марзалюк выказаў сваё меркаванне, у чым унікальнасць беларусаў:

«Нас па ідэі не павінна было быць ні ў якім фармаце. А мы да сённяшняга дня ёсць. Мы ўчэпіста трымаемся за свае межы і граніцы, і мы можам без праблемаў і па-беларуску, і па-руску, i oczywiście, że w języku polskim [і, зразумела, па-польску] спакойна гаварыць з нашымі суседзямі і пры гэтым заставацца самі сабой.

Мы глядзім на мову, з аднаго боку, як на вельмі важны паказчык культуры, на мову, язык, język. А з другога боку, мы спакойна ўспрымаем гэтыя элементы як інструментарый, якія дапамагаюць нам будаваць нашу Беларусь — шматмоўную, шматканфесійную, разнастайную і адзіную. Вось наш базавы фундаментальны прынцып — адзінства ў разнастайнасці».

«Нейкія кнігі мы перапісваем»

Дэпутат расказаў, што прыкладна год таму Лукашэнка даручыў яму і міністру адукацыі прааналізаваць падручнікі па гісторыі.

Скрыншот відэа АНТ

«Атрымаўшы такі карт-бланш, я сабраў адпаведную групу найлепшых профільных спецыялістаў з беларускіх універсітэтаў у першую чаргу. І мы палічылі ўсе памылкі, недахопы, недакладнасці, тэхнічныя абдрукоўкі, якія мелі месца быць. Былі праведзены некалькі нарадаў на ўзроўні міністра адукацыі. Нейкія рэчы аператыўна папраўляюцца.

Нейкія кнігі мы перапісваем, перафарматуем, альбо ствараем прынцыпова новы кантэнт і новы прадукт. Класічны прыклад падручнікі па гісторыі Беларусі і ўсеагульнай гісторыі для паглыбленага навучання для 10-11 класа, якія зараз робяцца».

Раней міністр адукацыі Андрэй Іванец казаў, што ў абноўленых падручніках па гісторыі напішуць пра падзеі 2020 года і пра Усебеларускі народны сход.

Каментары38

  • Хаха
    21.11.2024
    Лоб не расшыбі, калі бухаешся обземь у сваёй праваслаўнай царкве.
  • %
    21.11.2024
    Мудазвон прадажны
  • Абы ляпнуць
    21.11.2024
    Таго беларускага праваслаўя больш няма, бальшавікі твае выбілі, зараз ёсць праваслаўны талібан РПЦ

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць