У Беларусі затрымалі грузінскага злодзея ў законе, які прарываўся з Расіі без пашпарта
5 лістапада ў Магілёўскай вобласці затрымалі грузінскага злодзея ў законе Карла Чхіквадзэ, больш вядомага ў крымінальных асяродках пад мянушкай Каха Чахатаурскі. Пра ягонае затрыманне паведаміла спецыялізаванае выданне «Прайм Крайм», адзначыўшы, што гэты мацёры крымінальнік мае спецыфічныя праблемы.
Карла Чхіквадзэ прыйшоў у Беларусь з Расіі пехатой, і зрабіў гэта не ад добрага жыцця. Рэч у тым, што ён адбываў у Расіі 18-гадовы тэрмін, атрыманы за забойства. А калі адбыў, то аказалася, што на волі ў яго няма ні грамадзянства, ні месца жыхарства, і Расія пры ўсёй спецыфіцы гэтай краіны не зацікаўленая мець яго на сваёй тэрыторыі.
Пасля вызвалення Карла Чхіквадзэ прывезлі з Кіраўскай вобласці ў Маскву, дзе правялі з ім прадугледжаную для падобных выпадкаў прафілактычную гутарку і далі тры дні на тое, каб пакінуць тэрыторыю Расіі. Аднак жа ісці злодзею ў законе асабліва не было куды, бо грузінскае грамадзянства ён у 1990-я таксама не аформіў, і цяпер Грузія прызнаваць яго сваім грамадзянінам не хоча.
У выніку крымінальнік наважыўся пакуль што перайсці нелегальна ў Беларусь, але выйшла так, што адразу пасля перасячэння мяжы Чхіквадзэ затрымалі. Цяпер мужчына знаходзіцца пад арыштам. За нелегальны пераход мяжы яму пагражае адміністратыўная адказнасць у выглядзе штрафу з наступнай добраахвотнай ці прымусовай дэпартацыяй. Пытанне толькі — куды дэпартаваць.
Цяпер 54-гадовы Карла Чхіквадзэ быў «каранаваны» на злодзея ў законе ў далёкім 1992 годзе і пасля таго па чатырох судзімасцях правёў за кратамі амаль 30 гадоў.
Вызваліўся беларускі злодзей у законе Паштэт
ГУБАЗіК: Мы вызначылі чырвоныя лініі для злодзея ў законе «Медзвяжонка»
З Івацэвіцкай калоніі вызваліўся вядомы беларускі «злодзей у законе»
Банды 90-х. Як выглядалі ўдзельнікі беларускіх злачынных груповак ШМАТ ФОТА
Вынесены прысуд «злодзею ў законе» Сашы Кушнеру
Прапагандысты запэўніваюць, што 196 палітвязняў ужо на свабодзе8
Каментары