У санкцыйны спіс Трампа трапіў пракурор МКС, які выдаў ордар на арышт Пуціна
Прэзідэнт ЗША Дональд Трамп збіраецца накласці санкцыі на галоўнага пракурора Міжнароднага крымінальнага суда Карыма Хана, які расследаваў ваенныя злачынствы Расіі і выдаў ордар на арышт Уладзіміра Пуціна. Пра гэта піша Reuters са спасылкай на неназваныя дасведчаныя крыніцы, у прыватнасці з самога МКС.
Імя Карыма Хана з'явілася ў яшчэ не апублікаваным дадатку да ўказу Трампа аб санкцыях супраць МКС. Санкцыі супраць людзей з гэтага спісу прадугледжваюць замарожванне амерыканскіх актываў і забарону ім і іх сем'ям наведваць Злучаныя Штаты.
Журналісты пішуць, што пракурор стаў першым чалавекам у гэтым санкцыйным спісе. Поўны пералік на працягу 60 дзён павінен падаць міністр фінансаў ЗША Скот Бесэнт пасля кансультацыі з дзяржсакратаром Маркам Рубіа.
Менавіта Карым Хан хадайнічаў аб ордары на арышт расійскага лідара Уладзіміра Пуціна па падазрэнні ў незаконным перамяшчэнні і дэпартацыі ў Расію насельніцтва, у прыватнасці дзяцей, з акупаваных тэрыторый Украіны.
6 лютага прэзідэнт ЗША Дональд Трамп падпісаў указ аб прымяненні санкцый супраць міжнароднага крымінальнага суда (МКС), абвінаваціўшы яго ў «неправамерных дзеяннях» да Злучаных Штатаў, Ізраіля і іх саюзнікаў. Пры гэтым указ абвінавачвае ўстанову ў «нелегітымных і беспадстаўных дзеяннях».
Трамп уводзіць санкцыі супраць Міжнароднага крымінальнага суда
«Рэпарцёры без межаў» падалі на Лукашэнку ў Міжнародны крымінальны суд
Міжнародны крымінальны суд выдаў ордар на арышт Біньяміна Нетаньяху
Орбан назваў цынічным ордар на арышт Нетаньяху і дэманстратыўна запрасіў яго ў Венгрыю
Ці выдасць суд у Гаазе пастанову аб арышце Лукашэнкі і як гэта паўплывае на яго палітыку і атачэнне? Разважае Фрыдман
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»5
Каментары
Але ок, дадалі цагліну да кашы ў галорвах беларускіх чытачоў. Толькі пазней не лямантуйце, што беларускі эксперымент далей не атрымліваецца.