Акулы атакавалі расійскіх турыстаў ля берагоў Філіпін. Аднаго забілі, другому адгрызлі руку
Два расійскія турысты загінулі ля берагоў Філіпін — адзін патануў, а на другога напалі акулы, паведаміла Associated Press (AP) са спасылкай на берагавую ахову.
Чацвёра расійскіх турыстаў адправіліся на лодцы да вострава Вердэ з горада Пуэрта-Галера разам з мясцовым інструктарам па дайвінгу. Падчас пагружэння іх падхапіла моцная падводная плынь. Двум удалося бяспечна даплыць да свайго дайв-катара, а двое іншых, 29-гадовы Ілья Перагудзін і 39-гадовы Максім Мелехаў, зніклі без вестак.
Па інфармацыі агенцтва, інструктар па дайвінгу, іншыя дайверы ў гэтым раёне і супрацоўнікі берагавой аховы адразу ж пачалі пошукі. Мелехава праз гадзіну знайшлі без прытомнасці, пазней у бальніцы медыкі канстатавалі яго смерць.
«Другога расійскага дайвера знайшлі атакаваным акуламі. На жаль, яго правая рука была адарваная, і акулы кружылі вакол яго», — паведаміў AP начальнік берагавой аховы Эйрланд Лапітан.
Каментары