Абмеркавалі статус беларускіх добраахвотнікаў і вяртанне палонных. Падаляк і Лябедзька сустрэліся ў Кіеве
Дарадца Святланы Ціханоўскай Анатоль Лябедзька і дарадца кіраўніка Офіса прэзідэнта Украіны Міхаіл Падаляк правялі рабочую сустрэчу ў Кіеве, піша «Парламенцкі канал».
«Як заўсёды гэта фармат шчырай размовы з элементамі кансультацый. Мне было цікава зразумець, колькі месца ў працоўным графіку Зяленскага займае Беларусь. Дык вось, як сцвярджае Падаляк, Лукашэнка ва ўкраінскай палітыцы ў раёне статыстычнай пагрэшнасці. А вось будучыня Беларусі, гэта тое, што рэальна прысунічае ў галаве ўкраінскага прэзідэнта. Тут ёсць разуменне, што без дэмакратычнай Беларусі не будзе бяспечнай Еўропы», — сказаў Лябедзька.
Падаляк таксама адзначыў пэўныя зрухі і змены ў прававым статусе беларускіх дабраахвотнікаў ва Украіне і выказаў спадзеў, што гэты працэс будзе мець пазітыўную дынаміку. Падрабязнасці гэтага не прыводзяцца.
Таксама Падаляк адзначыў, што прэзідэнт Украіны мае мэту вярнуць з расійскіх вязніцаў усіх палонных. што змагаліся за свабоду Украіны, не зважаючы якой яны нацыянальнасці.
Цяпер чытаюць
Пачобут паразважаў, ад чаго залежыць будучыня Беларусі9
Каментары
Не, там іншая тэма. Замацаваць за сабой права рабіць голас ад Беларусі і гэткім чынам выбудоўваць на будучыню легітымнасць сваёй палітычнай дзейнасці ў Беларусі.
Прайшло ўжо 1 год і 3 месяцы.
Да сіх пор не падпісаў.