Уолц і яго каманда выкарыстоўвалі неабароненую пошту Google для дзяржаўных спраў
Дарадца Трампа па нацыянальнай бяспецы яшчэ не выйшаў з аднаго скандалу, як журналісты накапалі іншы.
Дарадца прэзідэнта ЗША па нацыянальнай бяспецы Майк Уолц і яго каманда выкарыстоўвалі неабароненую электронную пошту Google для вядзення дзяржаўных спраў, піша The Washington Post.
Тры амерыканскія чыноўнікі ў каментарах выданню адзначылі, што члены Рады нацыянальнай бяспекі прэзідэнта ЗША вялі дзяржаўныя справы праз асабістыя акаўнты Gmail. Гэта таксама пацвердзілі дакументы, з якімі азнаёмілася The Washington Post.
Згодна з электроннымі лістамі, Уолц выкарыстоўваў электронную пошту для размоў з калегамі з іншых дзяржаўных устаноў, якія, у тым ліку, тычыліся важных вайсковых спраў.
Па словах суразмоўцаў, Уолц атрымліваў інфармацыю пра свой графік і іншыя працоўныя дакументы праз пошту Google. Яны сказалі, што часам дарадца прэзідэнта ЗША па нацыянальнай бяспецы капіраваў даныя і ўстаўляў са свайго графіка ў Signal для каардынацыі сустрэч і абмеркаванняў.
Эксперты кажуць, што выкарыстоўваць асабістую электронную пошту, нават для несакрэтных матэрыялаў, рызыкоўна, улічваючы каштоўнасць для замежных спецслужб інфармацыі пра кантакты і парадак дня высокапастаўленых чыноўнікаў урада ЗША.
Нагадаем, нядаўна ў ЗША разгарэўся іншы скандал вакол Майка Уолца. Ён выпадкова дадаў галоўнага рэдактара The Atlantic Джэфры Голдберга ў сакрэтны чат Signal, дзе абмяркоўваліся ўдары па еменскіх хусітах.
Дональд Трамп стаў на бок свайго дарадцы і адмовіўся звальняць яго.
-
«Цяпер мы ядзім усяго раз на дзень». Чаму сірыйцы становяцца ўсё бяднейшымі пасля падзення рэжыму Башара Асада
-
ФБР абвінаваціла Паўночную Карэю ў крадзяжы больш як 6 мільярдаў даляраў з Binance
-
Бацькі з Крэмніевай даліны плацяць па $60 тысяч за школы без гаджэтаў. Чаму яны не хочуць для сваіх дзяцей тэхналогій, якія самі ствараюць?
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары
особенно главного по нацбезопасности.. это эпично..
І гэтыя людзі вызначаюць, без перабольшваньня, лёс чалавецтва)
😵💫