Прычынай аварыі на еўрапейскіх электрасетках магла стаць рэдкая атмасферная з'ява
Адной з версій прычыны аварыі, якая прывяла да знікнення электрычнасці ў Іспаніі і Партугаліі, называюць рэдкую атмасферную з'яву: з-за экстрэмальных ваганняў тэмпературы ў Іспаніі адбыўся анамальны збой у высакавольтных лініях, што прывяло да парушэнняў ва ўсёй аб'яднанай еўрапейскай сетцы, паведамляе CNN са спасылкай на аператара электрасеткі ў Партугаліі REN.
Да расследавання прычын маштабнага блэкаўта далучыліся іспанскае Аб'яднанае камандаванне кіберпрасторай і Еўракамісія.
Прагназуецца, што праз складанасць з'явы і неабходнасць збалансаваць пастаўкі электраэнергіі на міжнародным узроўні «поўнае аднаўленне працы сеткі можа заняць да тыдня».
У той жа час намесніца старшыні Еўракамісіі Тэрэса Рыбера заявіла, што прыкметы наўмыснай атакі на энергетычную сістэму Іспаніі адсутнічаюць.
«На гэты момант няма нічога, што дазволіла б нам сказаць, што гэта была дыверсія або кібератака», — паведаміла яна.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні5
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў44
Каментары