«Тандэм, які робіць моцныя хіты». Ганна Сялук і Ганна Благава прадставілі новую «патрыятычную» песню
Ганна Благава, былы муж якой быў вымушаны з’ехаць з Беларусі, напісала музыку, а нявестка Лукашэнкі стала аўтаркай тэксту.
Нявестка Аляксандра Лукашэнкі Ганна Сялук і міліцыянтка-спявачка Ганна Благава прадставілі новую «патрыятычную» песню пад назвай «Время наших побед». Тая ж самая назва была ў спартыўна-забаўляльнага шоу, якое напрыканцы мінулага года зладзілі для Лукашэнкі на «Мінск-Арэне».
Новую працу жонкі Дзмітрыя Лукашэнкі прадставілі на адным з канцэртаў 9 траўня. Кампазіцыю выканалі гурт Cosa Nostra, рэтра-трыа «Ружовыя ружы», Аляксандра Мелех, Арцём Цямчык, Лера Бернатовіч і Арцём Скароль.
У «Музычнай медыякампаніі» — фірме, звязанай з Ганнай Сялук — назвалі песню «падарункам беларусам да 80-годдзя Перамогі». А родная сястра нявесткі Лукашэнкі Таццяна Кулакова, якая працуе ў кампаніі намесніцай дырэктара, расхваліла аўтарскі тандэм.
«Гэта тандэм, які ўжо заявіў пра сябе. Яны ствараюць добрыя, моцныя хіты, што адгукаюцца ў людзях розных пакаленняў. Мы ўпэўнены, што і гэтая песня спадабаецца гледачам, яны яе ацэняць і будуць слухаць», — сказала Кулакова.
Ацаніць узровень моцнага хіта вы можаце самі. Прыпеў, напрыклад, гучыць так:
«Время новых побед
Для тебя, для страны
Невозможного нет
И всегда будем
Над тобой, надо мной
Нашей Родины свет
Это наше с тобой
Время новых побед».
Ганна Благава была жонкай уладальніка івэнт-агенцтва Сяргея Гуня, які ў 2020-м адкрыта выступіў за перамены ў краіне быў асуджаны на 2,5 года калоніі па артыкуле 130 ч. 1 КК (наўмысныя дзеянні, накіраваныя на ўзбуджэнне расавай, нацыянальнай, рэлігійнай альбо іншай сацыяльнай варожасці або варожасці па прыкмеце расавай, нацыянальнай, рэлігійнай, моўнай ці іншай сацыяльнай прыналежнасці). Потым ён быў вымушаны выехаць з краіны. Благава засталася ў Беларусі і стала зоркай праўладнай сцэны.
Ганна Сялук нядаўна атрымала ад Аляксандра Лукашэнкі медаль Францыска Скарыны. Яна штогод атрымлівае ўзнагароды на «Песні года», як і Ганна Благава.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам8
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары
Цветет ромашка
Возле нее какашка
Солнечный свет
Лучше в мире Лукашенко нет
Я могу тоннами такое придумывать.
Вот уж действительно
Для тебя, для страны
Невозможного нет.
Увы, друзья, не мудрено...
Перед г...ном вы все поэты,
Перед поэтами г...но.