Тыя самыя пляжныя шлёпанцы, якія мы прызвычаіліся насіць на адпачынку, вяртаюцца — але ўжо ў новым, вытанчаным выглядзе.
Яшчэ нядаўна шлёпанцы асацыяваліся выключна з морам, сонцам і шортамі. Але зараз, дзякуючы новай хвалі мінімалізму і модзе на «ціхую раскошу», яны сталі ключавым элементам паўсядзённага гардэроба.
У сезоне вясна-лета 2025, як піша InStyle.de, на вуліцах модных сталіц усё часцей з'яўляюцца Flip Flop Heels — шлёпанцы на абцасе. Мы ўжо бачылі падобны абутак у пачатку 2000-х — тады яго насілі знакамітасці накшталт Пэрыс Хілтан. Цяпер такія шлёпанцы зноў у модзе, але ў больш вытанчаным выкананні: вузкія скураныя папружкі, акуратны невысокі абцас і элегантныя формы.
У адрозненне ад класічных пляжных шлёпанцаў, новая версія выглядае больш вытанчана і дорага. Нават у простым вобразе такі абутак надае адчуванне прадуманасці і стылю. Мадэлі бываюць з шырокімі і вузкімі раменьчыкамі, на высокім ці нізкім абцасе, у базавых колерах ці яркіх адценняў.
Як насіць шлёпанцы на абцасе ў 2025 годзе
Галоўная перавага гэтага абутку — універсальнасць: Flip Flop Heels лёгка ўпісваюцца ў паўсядзённыя вобразы. Асабліва эфектна яны глядзяцца з бермудамі — джынсавымі, з лёгкіх тканін або ў стылі карга. У спалучэнні з топам, што шчыльна аблягае цела, разам з лаканічнымі аксесуарамі яны ствараюць лёгкі, гарманічны вобраз.
Паколькі невялікі абцас візуальна падаўжае нагу, выдатным варыянтам стане спалучэнні такога абутку з капры і кашуляй аверсайз — асабліва калі выбраць кашулю ў клетку, якая зноў вярнулася ў моду. А ў прахалоднае надвор'е выдатным рашэннем стануць шырокія мешкаватыя джынсы, якія злёгку накрываюць абутак.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося26
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі99
Каментары
Дзяўчыны, насіце спадніцы і сукенкі! Тады ёсць хоць нейкі сэнс ногі абцасамі псаваць.
Хоць прыгожа будзе. (Як на 4м фота.)