«Паказваеце сваё грэблівае стаўленне да людзей». Бондарава асудзіла істэрыку Азаронка і Пуставога, выкліканую праблемамі з бульбай
Прарасійская даносчыца нагадала ім пра нормы этыкі.
Нагадаем, 12 мая ў эфіры праграмы «Азарёнок. Напрямую» прапагандысты вельмі эмацыйна, зрываючыся на віск, адрэагавалі на тэму праблем з бульбай у краіне, якая хвалюе беларусаў апошні месяц.
«Ой, сем рублёў». — «Ды хоць па дваццаць, блін. Задзяўблі сваёй бульбай. Жэрці і жэрці абы, і толькі ныць з гэтай нагоды», — дзікім крыкам крычаў Азаронак.
Вольга Бондарава, якая звычайна падтрымлівае пазіцыю Азаронка па многіх палітычных пытаннях і яго манеру падачы, гэтым разам асудзіла яго грубыя словы, выказаныя ў здзеклівай манеры.
«Ёсць нормы журналістыкі і нормы дэпутацкай этыкі. Пра іх варта памятаць у публічных выступленнях.
Гаворачы «Задзяўбалі ўжо сваёй бульбай», «Ды хоць па 20 рублёў», вы, шаноўныя, паказваеце сваё грэблівае стаўленне да людзей, што агучылі праблему», — абурылася даносчыца.
«Журналіст-прафесіянал мог бы без эмоцый асвятліць пытанне, хвалюючае грамадзян. З фактурай, а не абразамі ў адрас тых, хто пытае. Хіба складана выкласці фоткі з крамы «да» і «пасля»?»
Яна нагадала, што праблема рэальна існавала, наяўнасць яе пацвердзіла спачатку камісія прафсаюзаў, а затым МАРГ. Толькі пасля ўмяшальніцтва ведамства ў яе родным Гродне не толькі зменшыўся кошт бульбы, але і клубні сталі прадаваць буйнейшыя, не пасечаныя і не пазелянелыя.
«І не купіць народ бульбу па 20 рублёў, калі толькі ён не працуе вядучым на СТБ, таму што няма ў людзей такіх даходаў», — прызналася Бондарава.
«Наша Нiва» — бастыён беларушчыны
ПАДТРЫМАЦЬЦяпер чытаюць
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію5
Каментары