Вынікі ўцечак, якія з’явіліся ў СМІ пасля перамоў Расіі і Украіны, дазваляюць скласці спіс умоў, на якіх Масква гатовая спыніць вайну супраць Кіева, піша «Агентство».
Расійская дэлегацыя на чале з Уладзімірам Мядзінскім (другі злева) на перамовах у Стамбуле. Фота: Arif Hudaverdi Yaman/Anadolu via Getty Images
Умовы Расіі:
1. нейтралітэт Украіны — забарона на ўступленне ў NATO і іншыя ваенныя саюзы;
2. адсутнасць замежных войск на тэрыторыі краіны;
3. забарона на наяўнасць зброі масавага паражэння на тэрыторыі Украіны;
4. Украіна павінна адмовіцца ад патрабавання рэпарацый;
5. перадача Расіі чатырох анексаваных у 2022 годзе абласцей у межах, якія гэтыя рэгіёны мелі як частка Украіны;
6. Расія патрабуе перадаць ёй гэтыя чатыры вобласці неадкладна, інакш пагражае захапіць дадатковыя — у тым ліку Харкаўскую і Сумскую;
7. Масква дамагаецца міжнароднага прызнання ўсіх пяці анексаваных рэгіёнаў (уключаючы Крым);
8. Пуцін згодзіцца на рэжым спынення агню толькі пасля вываду украінскіх войскаў з анексаваных тэрыторый і фактычнай іх здачы.
Частка гэтых патрабаванняў (напрыклад, вывад УСУ з анексаваных рэгіёнаў у межах іх украінскіх адміністрацыйных граніц) адпавядае тым, якія Пуцін агучваў у чэрвені 2024 года.
Умовы Масквы не супадаюць з планам Белага дома па мірным урэгуляванні. Паводле амерыканскага бачання, перамовы павінны пачацца са спынення агню. У дакуменце таксама гаворыцца, што ЗША гатовыя прызнаць Крым расійскім толькі юрыдычна, а астатнія тэрыторыі — дэ-факта пад кантролем Расіі. Пры гэтым Украіна, паводле плана Дональда Трампа, павінна аднавіць кантроль над Харкаўскай вобласцю.
ЗША настойваюць на паступовым урэгуляванні з акцэнтам на гуманітарныя пытанні, але канчатковае пагадненне пакуль выглядае недасягальным праз прынцыповую розніцу пазіцый бакоў.
-
Загінуў генерал, якому толькі паўмесяца таму далі Героя Расіі. Гэты 17‑ы забіты расійскі генерал. Украіна не страціла ніводнага
-
Білецкі пацвердзіў украінскі наступ пад Ліманам і расказаў некалькі дэталяў
-
Дарога дадому, якая пакуль вядзе праз фронт. У Кіева-Пячэрскай лаўры паказваюць гісторыю Палка Каліноўскага
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары
І ніхто не растлумачыць сутнасць расійскага імперыялізму лепш за саміх расійскіх імперыялістаў.
Публічнае і міжнароднае згадванне рэпарацый сведчыць пра асэнсаванасць імі зробленага.
Сутнасць расійскага імперыялізму з дыпламатычных кулуараў трэба выводзіць ў медыяполе.
Гэта дазволіць палітыкам Еўропы трымаць цвёрдую лінію і што самае важнае - справаздачыцца перад сваімі выбаршчыкамі.
( Тут згода з Трампам ёсць, ён ужо аб гэтым казаў)
2. адсутнасць замежных войск на тэрыторыі краіны;
( Так ніхто і не рвецца з замежных войск на дапамогу Ўкраіне)
3. забарона на наяўнасць зброі масавага паражэння на тэрыторыі Украіны;
( Не зусім зразумела аб чым гэта)
4. Украіна павінна адмовіцца ад патрабавання рэпарацый;
( Ну тут даволі проста, каб патрабаваць рэпарацыі, трэба перамагчы )
5. перадача Расіі чатырох анексаваных у 2022 годзе абласцей у межах, якія гэтыя рэгіёны мелі як частка Украіны;
( гэта дурасць, разумней па лініі сутыкнення +- пару км калі неабходна)
6. Расія патрабуе перадаць ёй гэтыя чатыры вобласці неадкладна, інакш пагражае захапіць дадатковыя — у тым ліку Харкаўскую і Сумскую;
( гэта імпэрская барзата, да і моцы ім не хопіць гэта зрабіць, альбо зрабіць хутка)
7. Масква дамагаецца міжнароднага прызнання ўсіх пяці анексаваных рэгіёнаў (уключаючы Крым);
( Трамп і Кітай можа і прызнаць, але ж Эўропа наўрадці)
8. Пуцін згодзіцца на рэжым спынення агню толькі пасля вываду украінскіх войскаў з анексаваных тэрыторый і фактычнай іх здачы.
( Таксама дурасць)