Вяселле адбудзецца ў Маскве, але спявачка затым пераедзе ў іншы горад.
Заслужаная артыстка Беларусі, спявачка Анжаліка Агурбаш расказала, што гэтым летам выходзіць замуж.
«Я выходжу замуж гэтым летам, больш за тое — на бліжэйшы год пераязджаю ў іншы горад Расіі. Вяселле будзе і ў Маскве таксама. Я публічная асоба і з вялікай павагай стаўлюся да прэсы. Цудоўна разумею, што найлепшае, што можа зрабіць публічная асоба, — шчыра пагутарыць з журналістамі, каб яны нічога не прыдумлялі. Зараз не магу расказаць падрабязнасці, таму што шчасце любіць цішыню. Сукенка ўжо гатовая, але, шчыра кажучы, пярсцёнкі і сукенкі для мяне не маюць значэння», — заявіла яна.
Гэта будзе фактычна чацвёрты шлюб беларускі.
Упершыню яна выйшла замуж у 18 гадоў. У рэжысёра Ігара Ленева і маладой спявачкі Лікі Ялінскай тады нарадзілася дачка Дар’я. Шлюб распаўся праз два гады.
Затым яна пражыла разам з культурыстам Валерыем Бізюком шэсць год, нарадзіўшы сына Мікіту, але афіцыйна іх адносіны не былі зарэгістраваныя.
У пачатку 2000-х Анжаліка пазнаёмілася з каўбасным магнатам Мікалаем Агурбашам і пераехала ў Маскву, у шлюбе нарадзіўся сын Анастас.
У 2012 годзе пара рассталася, неўзабаве пасля растання яна пачала сустракацца з казахстанскім бізнэсменам Анатолем Пабіяхам. Пара абвясціла пра заручыны, але вяселле так і не адбылося. У 2015 годзе Анжаліка заявіла, што рассталася са сваім каханым.
Цяпер чытаюць
Сяргей Ціханоўскі запусціў свой ютуб-канал з вершамі і казкамі88
Каментары