Паэтычную прэмію імя Наталлі Арсенневай сёлета атрымаў Сяргей Прылуцкі
24 траўня ў Варшаве прайшла цырымонія ўручэння прэміі імя Наталлі Арсенневай — важнай узнагароды ў галіне беларускай паэзіі. Сёлета пераможцам стаў Сяргей Прылуцкі з кнігай «Нічога нястрашнага». Журы адзначыла яго за «голас чалавечай любові ў час вайны і бесчалавечнасці», піша Reform.news.
Зборнік складаецца з трыццаці вершаў, якія паэт пачаў пісаць ва Украіне ў 2022 годзе. Гэтыя тэксты адлюстроўваюць жыццё падчас вайны і з'яўляюцца своеасаблівым дзённікам акупацыі. Асобнае месца ў кнізе займаюць лісты да малога сына, якія дапамагаюць аўтару захаваць чалавечнасць у жахлівых умовах.
Прылуцкі цяпер служыць ва ўкраінскім войску, таму на цырымоніі замест яго выступіў Віталь Рыжкоў, які і зачытваў яго вершы. Узнагароду перадалі прадстаўніку паэта.
У фінал прэміі, акрамя кнігі Прылуцкага, увайшлі:
- «Момант цішыні» (аўтарка Надзея Амельчанка — удзел ананімны);
- «Дзікае паляванне караля Стаха: Вершы да оперы» Андрэя Хадановіча.
Журы прэміі сёлета ўключала вядомых літаратараў і даследчыкаў, сярод якіх Ульяна Верына, Сяргей Дубавец і Ганна Шакель. Урачыстасць прайшла ў Беларускім моладзевым хабе, з удзелам музыкі Вольгі Падгайскай і мастачкі Анастасіі Рыдлеўскай. Прэмію арганізуюць Беларускі ПЭН і Саюз беларускіх пісьменнікаў пры падтрымцы розных культурных і дабрачынных фондаў.
Выдавецтва Gutenberg рыхтуе квазіанталогію сучаснай беларускай прозы
Выйшла кніга вершаў Міхала Анемпадыстава — ёсць і раней недрукаваныя
Бедны, расчараваны — асабліва ў родных — і нікому непатрэбны. Злы дзённік Барадуліна дазваляе зазірнуць унутр генія
«Мы ніколі не вернемся сабою ранейшымі». Віталь Рыжкоў вярнуўся да творчасці і сабраў поўную залу на паэтычны стэндап
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда16
Каментары