Стрыжак расказаў, як Мельнікава з грашыма хацела далучыцца да працы «Байсола»
Кіраўнік Фонду салідарнасці «Байсол» Андрэй Стрыжак расказаў у фэйсбуку пра прапанову супрацоўніцтва, якую атрымаў у мінулым годзе ад цяпер зніклай спікеркі Каардынацыйнай рады Анжалікі Мельнікаў. Мельнікава нібыта прапаноўвала грошы, але за гэта хацела ўдзельнічаць у ацэнцы заявак у фонд.
Як сцвярджае Стрыжак, упершыню ён асабіста сустрэўся з Анжалікай Мельнікавай пасля леташняй канферэнцыі «Новая Беларусь» у Вільні.
Падчас той размовы Мельнікава нібыта прапанавала дапамагчы фінансава ініцыятывам, якія рэалізуюцца праз праграму «Байсол». Яна была гатовая даць 5000 еўра, але хацела пры гэтым мець доступ да разгляду заяў, што паступаюць у фонд як з Беларусі, так і з-за мяжы.
Аднак жа, па словах Стрыжака, у «Байсоле» такога не практыкуецца, тут нельга проста прынесці грошы і атрымаць доступ да ўсіх заявак. Да таго ж і сума ў 5000 еўра не надта вялікая, каб на нешта прэтэндаваць.
Пазней, пасля напаміну пра гэтую прапанову, Мельнікава паабяцала вярнуцца да размовы пазней, але больш гэтага не рабіла.
Ці павінны гэтыя грошы былі ісці ад Каардынацыйнай рады, ці гэта была асабістая ініцыятыва Мельнікавай з іншай крыніцай фінансавання, Андрэй Стрыжак не ведае.
«Муж быў супраць таго, каб Анжаліка сустракалася з дзецьмі з іншым мужчынам». Аўтар расследавання пра Мельнікаву падзяліўся некаторымі дэталямі
Латушка: У мяне ёсць асцярогі за жыццё Анжалікі Мельнікавай
Каханак Мельнікавай Аляксей Лабееў служыў у КДБ з 2019 года
«Ужо не ведаеш, куды звяртацца». Бацька Анжалікі Мельнікавай расказаў, што яму вядома пра дачку
Латушка: Членаў НАУ і Каардынацыйнай рады ўжо дапыталі па справе Мельнікавай
Цяпер чытаюць
«Дыялект падазроны». Спявак Сярога прыйшоў на расійскае рэаліці і сабраў усіх хэйтараў6
Каментары