Актывістаў з судна Madleen, дзе была Грэта Тунберг, даставілі ў аэрапорт Тэль-Авіва для дэпартацыі
Міністэрства замежных спраў Ізраіля заявіла, што Грэта Тунберг і іншыя актывісты з судна Madleen з гуманітарнай дапамогай, якое напярэдадні было перахоплена ізраільскімі вайскоўцамі на шляху ў сектар Газа, прыбылі ў аэрапорт для дэпартацыі, піша Бі-бі-сі.
Актывістка Грэта Тунбэрг на захопленым ізраільскімі вайскоўцамі судне. Фота: Israel Foreign Ministry / X
«Пасажыры «сэлфі-яхты» прыбылі ў аэрапорт «Бен-Гурыён», каб пакінуць Ізраіль і вярнуцца ў свае краіны», — гаворыцца ў паведамленні.
Там адзначаецца, што актывісты павінны вылецець з краіны цягам бліжэйшых гадзін.
«Тыя, хто адмовіцца падпісаць дакументы аб дэпартацыі і пакінуць Ізраіль, будуць дастаўлены ў судовыя органы ў адпаведнасці з ізраільскім заканадаўствам», — гаворыцца ў паведамленні.
У панядзелак Ізраіль перахапіў яхту з Грэтай Тунберг, якая плыла з Італіі ў Газу.
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць6
Каментары