Міністр абароны Ізраіля прыгразіў, што жыхары Тэгерана хутка заплацяць за іранскія атакі на жылыя кварталы
Ісраэль Кац заявіў, што жыхары іранскай сталіцы могуць пацярпець падчас адказу на іранскія ракетныя ўдары, якія нанеслі значную шкоду жылым раёнам Ізраіля.
«Пыхлівы дыктатар Тэгерана ператварыўся ў напалоханага забойцу, які страляе па мірным насельніцтве Ізраіля, каб стрымаць ЦАХАЛ ад працягнення атак, што знішчаюць яго магчымасці», — гаворыцца ў заяве Каца.
«Жыхары Тэгерана заплацяць за гэта, і хутка», — заявіў ён.
Чакаецца, што ЦАХАЛ выпусціць папярэджанне для жыхароў Тэгерана з заклікам пакінуць пэўныя раёны, а пасля гэтага пачне знішчаць вялікую колькасць будынкаў (як гэта было ў Бейруце падчас атак на «Хезбалу»)
У выніку сённяшняй начной атакі Ірана ў Ізраілі загінулі 5 чалавек, 92 атрымалі розныя траўмы. Пры гэтым моцныя пашкоджанні атрымалі менавіта звычайныя жылыя дамы ў Петах-Тыкве і Бней-Браку.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей4
Каментары