Свет77

Чаму зноў сапсаваліся адносіны паміж Расіяй і Азербайджанам. З'яўляюцца дэталі справы

Не паспелі наладзіцца адносіны паміж Расіяй і Азербайджанам пасля збіцця райсійскай ракетай азербайджанскага лайнера з пасажырамі, як расіяне зноў самым жахлівым чынам сапсавалі іх. Прычым тры дні ў Расіі рабілі выгляд, што нічога не адбылося. Але Азербайджан не дазволіў замяць усё. 

У Екацярынбургу 27 чэрвеня 2025 года расійскія сілавікі затрымалі больш за 50 чалавек, пераважна выхадцаў з Азербайджана, піша «База». 

Паводле Следчага камітэта РФ, аперацыя была звязаная з расследаваннем забойства 2001 года бізнэмена Юніса Пашаева каля кафэ «Каспій», якое належала сям’і Сафаравых, а таксама іншых злачынстваў 2010—2011 гадоў.

У выніку затрыманняў 27 чэрвеня загінулі браты Зіядзін і Гусэйн Сафаравы. Афіцыйна СК паведаміў, што адзін з братоў памёр ад сардэчнай недастатковасці, а прычына смерці другога высвятляецца.

Аднак сваякі сцвярджаюць, што яны былі закатаваныя падчас затрымання. 

СМІ Азербайджана паведамілі, што затрыманых збілі, а братоў забілі.

Азербайджанскае выданне Oxu.Az апублікавала фатаграфіі гематом на целах Раміля і Мухамеда Сафаравых (яны праходзяць у статусе сведак), затрыманы Аяз Сафараў выступіў у судзе са слядамі збіцця на твары. Пры гэтым мужчына заявіў, што «ўпаў яшчэ да затрымання».

З чым звязаныя затрыманні?

Паводле версіі следства, затрыманых падазраюць у датычнасці да забойства Юніса Пашаева, які загінуў ад нажавых раненняў у траўні 2001 года каля кавярні «Каспій» (што належыць сям'і Сафаравых) і яшчэ ў некаторых злачынствах. 

Як адрэагавалі ў Азербайджане?

МЗС Азербайджана назваў дзеянні сілавікоў «непрымальным гвалтам», заклікаўшы расійскія ўлады расследаваць парушэнні пры правядзенні следчых дзеянняў, а таксама заявіў «рашучы пратэст» часоваму паверанаму ў справах амбасады РФ у краіне.

Дэлегацыя дэпутатаў з парламента краіны адмовілася ад удзелу ў 23-м пасяджэнні міжпарламенцкай камісіі па супрацоўніцтве паміж Азербайджанам і Расіяй.

Усе бліжэйшыя расійскія канцэрты, фестывалі, спектаклі, выставы адменены ў Азербайджане.

У прыватнасці, адменены канцэрт Леаніда Агуціна і Анжалікі Варум, Басты, пастаноўкі «Шчаўкунок», «Дзюймовачка», «Майстар і Маргарыта», а таксама выступленні расійскіх комікаў.

Улічваючы дэманстратыўныя, мэтанакіраваныя і пазасудовыя забойствы і акты гвалту, учыненыя праваахоўнымі органамі Расіі супраць азербайджанцаў па этнічнай прыкмеце ў Екацярынбургу, а таксама той факт, што ў апошні час падобныя выпадкі набылі сістэматычны характар, адмяняюцца культурныя мерапрыемствы, у тым ліку канцэрты, фестывалі, спектаклі, выставы, запланаваныя да правядзення ў Азербайджане па лініі дзяржаўных і прыватных устаноў Расіі, заявілі ў Міністэрстве культуры Азербайджана.

Таксама азербайджанскія сілавікі прыйшлі ў рэдакцыю «Sputnik-Азербайджан» (у лютым яго дзейнасць была прыпыненая па законе, які абмяжоўвае замежнае валоданне СМІ). 

У цэлым азербайджанскія СМІ выступілі з рэзкай крытыкай: расейцаў абвінавацілі ў нацыяналізме і прыгнёце малых народаў.

Целы загінулых азербайджанцаў аддалі родным. У Азербайджане збіраюцца правесці экспертызу прычынаў іх смерці. 

А што ў Расіі?

Кіраўнік СК РФ Аляксандр Бастрыкін даручыў перадаць крымінальную справу ў дачыненні да ўдзельнікаў злачыннай групы ў Екацярынбургу ў цэнтральны апарат ведамства.

Прэс-сакратар прэзідэнта РФ Дзмітрый Пяскоў заявіў, што Расія шкадуе аб рашэннях, прынятых Азербайджанам.

«Мы лічым, што ўсё, што адбываецца, звязана з працай праваахоўных органаў, і гэта не можа і не павінна з'яўляцца падставай для падобнай рэакцыі. Мы зацікаўлены і далей развіваць нашы добрыя адносіны з Азербайджанам», — сказаў ён

Каментары7

  • Русские понимают только силу
    30.06.2025
    Они уже добольались, что Баку - русский город.
  • тюркский мир
    30.06.2025
    будзем стаяць за спінамі, і як там далей...
  • :(
    30.06.2025
    Жаль, что Беларусь ест Россия каждый день.

Цяпер чытаюць

Від на Каложскую царкву безнадзейна сапсаваны15

Від на Каложскую царкву безнадзейна сапсаваны

Усе навіны →
Усе навіны

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой57

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

Навукоўцы прыдумалі аднаразовыя кубачкі для кавы без кроплі пластыку2

больш чытаных навін
больш лайканых навін

Від на Каложскую царкву безнадзейна сапсаваны15

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць