Трамп паабяцаў Зяленскаму неадкладна адправіць Украіне ракеты-перахопнікі для Patriot
Прэзідэнт ЗША падчас тэлефоннай размовы з украінскім лідарам Уладзімірам Зяленскім паабяцаў неадкладна перадаць Кіеву 10 ракет-перахопнікаў для Patriot, паведамілі Axios дасведчаныя крыніцы.
Паводле іх слоў, колькасць абяцаных ракет аказалася меншай, чым у прыпыненай пастаўцы напрыканцы чэрвеня. Аднак Трамп заявіў пра гатоўнасць дапамагчы Кіеву ў пошуку іншых крыніц ракет.
Таксама перад званком Зяленскаму кіраўнік Белага дома паразмаўляў з канцлерам ФРГ Фрыдрыхам Мерцам, які папрасіў «размарозіць» перадачу ракет-перахопнікаў Кіеву і заявіў пра гатоўнасць закупіць у ЗША дадатковыя батарэі Patriot для Украіны. Бакі не дасягнулі канкрэтнай дамоўленасці, але абмеркаванне гэтага пытання працягваецца, адзначылі суразмоўцы Axios.
Пасля гэтага Трамп, выступаючы перад журналістамі ў Белым доме, заявіў, што ЗША паставяць больш зброі Украіне. «Яны павінны мець магчымасць абараняць сябе. Яны зараз атрымліваюць вельмі моцныя ўдары», — падкрэсліў Трамп.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў23
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары