«Калі ты хочаш вайны — мы ўзброім Украіну, а Еўропа за гэта заплаціць». Прадстаўнік ЗША пры НАТА расказаў пра сігнал Пуціну
ЗША спыняюць бязвыплатнае фінансаванне вайсковай дапамогі Украіне, але не адмаўляюцца ад дапамогі ўвогуле, заявіў пастаянны прадстаўнік краіны пры НАТА Мэцью Уітакер у эфіры Fox News.
«Прэзідэнт Трамп прыняў вельмі разумнае рашэнне і заключыў пагадненне з НАТА, згодна з якім Еўропа і Канада будуць аплачваць ўзбраенне, а ЗША — вырабляць яго.
Гэта таксама пасылае Уладзіміру Пуціну вельмі выразны сігнал: «Мы далі табе шанец на мір. Прэзідэнт Трамп — міратворац. Але калі ты хочаш вайны — мы ўзброім Украіну, а Еўропа за гэта заплаціць», — сказаў Уітакер.
«Відавочна, што мы ствараем найлепшыя сістэмы ўзбраення ў свеце, і ўсе хочуць іх атрымаць.
Мы будзем аддаваць прыярытэт пастаўкам гэтых узбраенняў Украіне», — запэўніў амерыканскі прадстаўнік пры НАТА.
Ён лічыць гэта сур'ёзным крокам да завяршэння вайны.
«За апошнія 18 месяцаў Расія захапіла каля аднаго адсотка ўкраінскай тэрыторыі. Гэта не поспех. Кожны дзень яны страчваюць тысячы салдат. Надта шмат мірных жыхароў ва ўкраінскіх гарадах атрымліваюць раненні. Так што, па-мойму, гэта наступны важны крок да заканчэння канфлікту.
Але калі Уладзімір Пуцін наважыцца працягваць вайну на ўкраінскай зямлі, Злучаныя Штаты будуць прадаваць зброю Еўропе, каб Украіна магла абараняцца», — адзначыў Мэцью Уітакер.
ЗША паставяць праз НАТА зброю Украіне на $10 мільярдаў
Трамп: «І я такі: дзіўна!» Стэнаграма заяваў Трампа і Рутэ ў Белым доме
Трамп: 17 сістэм Patriot адправім ва Украіну
ЗША збіраюцца перадаць Кіеву крылатыя ракеты JASSM
Пуцін папярэдзіў Трампа, што ў наступныя 60 дзён плануе чарговы наступ на ўсходзе Украіны
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары