Намеснік кіраўніка Адміністрацыі Пуціна заклікаў яго спыніць вайну
Дзмітрый Казак прапаноўваў сёлета неадкладна правесці мірныя перамовы.
Намеснік кіраўніка Адміністрацыі прэзідэнта Расіі Дзмітрый Казак заклікаў сёлета Пуціна спыніць вайну, піша The New York Times са спасылкай на крыніцы.
Казак прапанаваў Пуціну неадкладна спыніць баявыя дзеянні і правесці мірныя перамовы. Ён таксама настойліва заклікаў Пуціна правесці ўнутраныя рэформы — у тым ліку ўзмацніць кантроль за расійскімі сілавікамі і стварыць незалежныя суды.
Яго пазіцыя паказвае расчараванне часткі расійскай эліты тым, што Пуцін не хоча спыняць вайну.
Раней Казак курыраваў інтэграцыю Крыма ў склад Расіі пасля анэксіі. А перад поўнамаштабнай вайной вёў перамовы з Кіевам па Данбасе.
NYT піша, што ў атачэнні Пуціна Казак — адзіны высокапастаўлены чыноўнік, які адкрыта не пагадзіўся з вайной.
Блізкія да Крамля крыніцы выдання паведамілі, што Казак пасля пачатку поўнамаштабнай вайны адгаворваў Пуціна ад яе. Ён шукаў аргументы, якія маглі б пераканаць Пуціна.
Калі раней Казак курыраваў адносіны Расіі з Малдовай, самаабвешчанай Абхазіяй, то пасля выказвання яго пазіцыі гэтыя паўнамоцтвы перадалі іншаму чыноўніку.
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк22
Каментары
Калі не будуць рэзка супраць, то і спрабаваць прыпыніць вайну (ясна, што часова). Маўляў, "эліты" за тое.