У Gazeta Wyborcza з'явіўся зварот палякаў да Туска, у якім рэзка асуджаюцца дэпартацыі пасля канцэрта Каржа
«Дэпартацыя ў Беларусь і Украіну асоб з'яўляецца варварствам». У Gazeta Wyborcza з'явіўся ананімны зварот грамадзян Польшчы да прэм’ер-міністра Польшчы Дональда Туска, у якім рэзка асуджаюцца дэпартацыі беларусаў і ўкраінцаў пасля канцэрта Макса Каржа.
«Ваша абяцанне сталася фактам, што здараецца нячаста — абяцаныя дэпартацыі ўкраінцаў і беларусаў якраз адбываюцца.
Сярод многіх нашых чаканняў, датычных, напрыклад, адмены неканстытуцыйных законаў і распараджэнняў, гуманнага стаўлення да людзей на беларускай мяжы, захавання правоў жанчын, асоб з інваліднасцю, негетэранарматыўных асоб, прыцягнення да адказнасці вінаватых у парушэнні права, у тым ліку таго, якое на нашых уласных спінах было зламана, аднаўлення прынцыпаў правапарадку і канстытуцыйных нормаў, якія павінны былі ў Польшчы гарантаваць, — менавіта дэпартацый ўкраінцаў і беларусаў мы не чакалі. <…> Гэта яўнае беззаконне, учыненае па вашым асабістым загадзе», — гаворыцца ў лісце.
Ананімныя аўтары звароту да Туска даводзяць, што дэпартацыя ў Беларусь і Украіну асоб за ўчыненне правапарушэння з'яўляецца варварствам:
«Дэпартацыя з-за правапарушэння асоб, чыя дзяржава вядзе вайну за выжыванне, з'яўляецца звычайным варварствам.
Варварствам таксама з'яўляецца дэпартацыя ў дзяржаву, якая знявольвае, катуе і забівае ўласных грамадзян, як гэта адбываецца ў Беларусі».
Аўтары ліста мяркуюць, што дэпартаваныя ўкраінцы знаходзяцца ў большай бяспецы, чым беларусы: «Дэпартаваныя ўкраінцы, нягледзячы на вайну і бамбардзіроўкі, якія працягваюцца ва Украіне, знаходзяцца ў лепшай сітуацыі, чым многія іншыя асобы, якіх вы гэтак жа незаконна выштурхваеце за беларускую мяжу. Яны маюць усе шанцы выжыць, а на беларускай мяжы людзі гінуць таксама падчас вашай кадэнцыі, і гэта на вас ускладае адказнасць за іх смерць».
Аўтары лічаць дзеянні польскіх уладаў «аплявухай для звычайнай прыстойнасці» і парушэннем правоў чалавека.
«Вашы дзеянні ў роўнай ступені з'яўляюцца крайнім парушэннем асноўных правоў чалавека, пагрозай для незалежнасці судоў, з'яўляюцца таксама аплявухай для звычайнай прыстойнасці, парушэннем любых этычных нормаў, знішчэннем вялікіх намаганняў мноства годных людзей, якія доўгія гады ў розныя эпохі змагаліся за тое, каб польская дзяржава спрыяла хутчэй прыстойнасці, а не подласці», — гаворыцца ў лісце.
У Польшчы пачалі дэпартаваць затрыманых на канцэрце Макса Каржа
Пасля канцэрта Макса Коржа ў Варшаве затрымалі 13 беларусаў, семярых — па крымінальных справах
Пазняк жорстка выказаўся пра Каржа: Антыэстэтычнае, антымастацкае шарлатанства, разлічанае на дэгенератыўнае ўспрыняцце
«Усходні гігант», а сцэны на канцэрце — «вартыя Дантэ». Як уплывовае польскае выданне расказала пра Макса Каржа палякам
Цяпер чытаюць
Няўдалае тэхнічнае рашэнне дорага абышлося арганізатарам галасавання ў Каардынацыйную раду12
Каментары