Падчас рэйдавых мерапрыемстваў у Маладзечанскім раёне супрацоўнікі міліцыі спынілі факты незаконнага вырабу спіртаўтрымліваючай вадкасці.
Фота: прэс-служба МУС
Міні-прадпрыемствы па вытворчасці моцных напояў выяўлены ў вёсках Насілаве і Забалоцці, піша Kraj.by.
У мясцовых жыхароў канфіскавана тры самагонныя апараты, каля 30 тон брагі і амаль 1 500 літраў гатовага прадукту.
Усе трое парушальнікаў афіцыйна не працуюць, займаліся продажам спіртнога. Іх дзеянням будзе дадзена прававая ацэнка. Назначана хімічная экспертыза выяўленай вадкасці.
За выраб спіртовых напояў і іх паўфабрыкатаў, захоўванне апаратаў для вытворчасці пагражае штраф да 30 базавых велічынь (1260 рублёў) з канфіскацыяй.
Каментары