Генсак НАТА: Эканоміка Расіі не большая за эканоміку Тэхаса, не трэба баяцца
Генеральны сакратар НАТА Марк Рутэ на абаронным саміце Міжнароднага інстытута стратэгічных даследаванняў (IISS) у Празе заявіў, што не варта ўспрымаць прэзідэнта Расіі Уладзіміра Пуціна «занадта сур’ёзна». Паводле яго, эканоміка Расіі «не большая за Тэхас», а Пуцін — проста «губернатар Тэхаса».
Ён заклікаў не пераацэньваць магутнасць Расіі і не надаваць Пуціну звышнатуральнага статусу.
«Нам трэба спыніць рабіць Пуціна магутным — ён губернатар Тэхаса, не больш. Давайце не будзем успрымаць яго занадта сур'ёзна», — цытуе Рутэ Politico.
Паводле даных Расстату, ВУП Расіі ў 2024 годзе склаў каля $1,978 трыльёна. Эканоміка ж Тэхаса па даных Бюро эканамічнага аналізу ЗША, дасягнула $2,709 трыльёна, то-бок была на 37% большай за расійскую. Пры гэтым Тэхас у год вырас на 4,9%, а Расія — на 4,3%.
Тэхас — другі па велічыні эканамічны штат ЗША пасля Каліфорніі, чый ВУП у $4,103 трыльёна амаль удвая перавышае ВУП Расіі і апярэджвае эканомікі Японіі, Індыі і Вялікабрытаніі.
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары