Лукашэнка пра банкі: То старыя даляры не прымаюць, то навязваюць паслугі
На нарадзе з прадстаўнікамі банкаўскага сектара Лукашэнка заявіў, што ў Беларусі не дазволяць банкам крыўдзіць людзей надуманымі пытаннямі, тыпу немагчымасці абмену старых даляраў, піша БелТА.
Ён заявіў, што ў цэлым сітуацыя ў грашова-крэдытнай сферы і на валютным рынку боязі не выклікае. Але «ёсць недапрацоўкі, якія трэба выпраўляць».
У прыватнасці, Аляксандр Лукашэнка згадаў пра скаргі ў адрас банкаў ад звычайных людзей: то старыя даляры не прымаюць, то навязваюць кліентам страхавыя паслугі.
«Давайце дамовімся, з 1 студзеня 2026 года наяўнасць такіх фактаў аўтаматычна пацягне дысцыплінарную адказнасць кіраўніка банка, — заявіў ён — крыўдзіць людзей нейкімі надуманымі пытаннямі нельга».
Таксама ён заявіў, што неабходна тэрмінова пераламаць сітуацыю з ростам інфляцыі.
На гэты момант тэмпы прыросту спажывецкіх цэн да ўзроўню ліпеня мінулага года ў гадавым выражэнні ўжо склалі 7,4%. Гадавы параметр запланаваны не вышэй за 5%.
Лукашэнка запатрабаваў пераламаць тэндэнцыю росту інфляцыі і «ўзмацніць у гэтым ролю Нацбанка, якая пакуль у гэтым працэсе наогул не бачная».
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх11
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары