Келаг: 19 дронаў у Польшчы не могуць быць выпадковасцю, Пуцін ссоўвае межы дазволенага
Спецыяльны прадстаўнік прэзідэнта ЗША па пытаннях Украіны Кіт Келаг не лічыць выпадковасцю атаку расійскіх дронаў на тэрыторыю Польшчы, паведамляе «Еўрапейская праўда».
«Заляцела 19 дронаў — гэта не можа быць выпадковасцю. Можа быць адна ілжывая цэль, можа дзве, але не 19», — перакананы ён.
На думку Келага, расійскі лідар Уладзімір Пуцін «дзейнічае мэтанакіравана, ён пасылае сігнал, і хоча пачуць адказ — ці можа ён яшчэ далей пасунуць мяжу [дазволенага]».
«Вы ўжо гэтае кіно бачылі ў Еўропе. Памятайце, калі Чэмберлен сказаў, што прынёс мір Еўропе, і што было далей», — дадаў генерал, намякаючы на згоду Еўропы на кампрамісы з Гітлерам.
«Калі мы не ўлічым урокі гісторыі, то мы будзем рухацца да трэцяй сусветнай вайны», — рэзюмуе Келаг.
Адначасова амерыканскі генерал перакананы, што зараз адзінства заходніх краін з'яўляецца беспрэцэдэнтным.
«Я не бачыў з часоў Другой сусветнай вайны, каб альянс заходніх краін быў такім моцным і адзіным», — лічыць ён.
У якасці прыкладу ён згадвае візіт у Вашынгтон прэзідэнта Украіны Уладзіміра Зяленскага разам з лідарамі вядучых еўрапейскіх краін. «Гадоў пяць ці шэсць зусім не выпадала б спадзявацца на такую колькасць і такую хуткую рэакцыю заходніх лідараў», — заявіў Келлог.
Паводле апошніх звестак, фрагменты расійскіх дронаў былі знойдзены ў 17 населеных пунктах на тэрыторыі пяці ваяводстваў Польшчы, больш за ўсё — 10 — у Люблінскім ваяводстве.
Спецыяльны пасланнік Трампа Кіт Келаг якраз накіроўваўся ў Польшчу, калі расійскія дроны ўварваліся ў паветраную прастору краіны, паведамляў CNN.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі3
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары
Раскатывайте красную дорожку перед ним, хлопайте по плечу, пожимайте руку и аплодируйте ему дальше.