Перад выбарамі ў Чэхіі ў тыктоку актывізаваліся сотні прарасійскіх акаўнтаў з шалёнай папулярнасцю
Чэшскія аналітыкі з Online Risk Labs выявілі 286 акаўнтаў у тыктоку, якія распаўсюджваюць прарасійскую прапаганду і падтрымліваюць радыкальныя партыі перад парламенцкімі выбарамі ў Чэхіі. Паводле іх слоў, гэтыя акаўнты атрымліваюць ад 5 да 9 мільёнаў праглядаў на тыдзень, піша Reuters.
Гэтая сетка не звязаная з адной канкрэтнай партыяй, а падтрымлівала некалькі выгадных Расіі рухаў адразу. Сярод іх — ультраправая арганізацыя «Свабода і прамая дэмакратыя» (SPD) (каля 13% падтрымкі) і ультралевая Stačilo («Хопіць!») (каля 5%), якія выступаюць за выхад Чэхіі з НАТА і ЕС.
Аналітыкі адзначылі, што самі кандыдаты нібыта маглі нават не ведаць пра такую падтрымку. У партыі Stačilo! афіцыйна заявілі, што не выкарыстоўвала фэйкавыя акаўнты і не паддаваліся замежнаму ўплыву.
Чэшскі рэгулятар атрымаў некалькі скаргаў на гэтыя акаўнты і перадаў інфармацыю Еўрапейскай камісіі. Тыкток, якім у Чэхіі карыстаюцца каля чвэрці насельніцтва, запэўніў, што вядзе барацьбу з парушэннямі правіл і «маніпулятыўнай дзейнасцю».
Напярэдадні парламенцкіх выбараў у Чэхіі, якія прызначаныя на 3—4 кастрычніка, спецслужбы гэтай краіны адзначаюць рост кібератак і дэзынфармацыі з боку Расіі. У той жа час падчас іх ёсць вялікая верагоднасць перамогі папулісцкай партыі ANO, якую ўзначальвае мільярдэр і былы прэм’ер Андрэй Бабіш.
Перамога партыі Бабіша можа прывесці да змяншэння падтрымкі Украіны з боку Чэхіі: напрыклад, пастаўкі больш за мільёна артылерыйскіх снарадаў могуць быць прыпыненыя. Бабіш крытыкаваў гэтую ініцыятыву як «гнілую» і абяцаў яе спыніць, а яго намеснік падкрэсліў неабходнасць кантролю паставак на ўзроўні НАТА.
БелдзяржСМІ і каналы сілавікоў спрабавалі бударажыць Малдову разам з расіянамі. Вось што з гэтага выйшла
На выбарах у Малдове перамагла праеўрапейская партыя прэзідэнта Санду, прарасійская апазіцыя прайграла
«Расія падобная да вады». Як расійская прапаганда непрыкметна заваёўвае аўдыторыю ў Афрыцы і Лацінскай Амерыцы
Памілаваныя 15 чалавек, сярод якіх 13 палітвязняў15
Каментары