Няшчасце здарылася ў канцы жніўня на лецішчы.
Паводле слоў мужа, 57‑гадовая жанчына пакутавала ад алергіі на ўкусы насякомых, і ў той злашчасны дзень падчас ужывання квасу яе ўкусіла аса ў вусны.
Выпіўшы тры таблеткі супрацьалергічнага прэпарата, жанчына, адчуўшы недамаганне, пайшла адпачыць у пакой, аднак ужо праз некалькі хвілін страціла прытомнасць. Хуткая дапамога канстатавала смерць.
Судовым экспертам выяўлена толькі колатая рана мяккіх тканак ніжніх вуснаў, якая магла ўтварыцца ад джала ядавітага насякомага. У выніку ўкусу ў пацярпелай развіўся ангіянеўратычны ацёк (ацёк Квінке) у вобласці твару, шыі, верхніх дыхальных шляхоў з звужэннем іх прасвету, што прывяло да ўдушша. Смерць наступіла на працягу некалькіх хвілін, паведамляе Дзяржкамітэт судовых экспертыз.
Эксперты звяртаюць увагу, што адзінкавых укусаў джалячых насякомых у вобласць твару і шыі дастаткова для запуску ў арганізме складанага імунабіялагічнага механізму — рэакцыі гіперадчувальнасці на алерген, якая выклікае незваротныя паталагічныя змены ў органах дыхання і кровазвароту.
Эксперты нагадваюць: пры ўзнікненні першых сімптомаў мясцовай алергічнай рэакцыі пры ўкусе ў твар і шыю неабходна тэрмінова звярнуцца па медыцынскую дапамогу, бо лік можа ісці на хвіліны. Пры першасна ўзніклай алергічнай рэакцыі на ўкус джалячых насякомых неабходна кансультацыя алерголага для прызначэння лячэння і атрымання рэкамендацый па прафілактыцы алергічных рэакцый.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»6
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары
Ня ведаю, ці можна набыць у аптэках адмысловы картрыдж з ін'екцыяй адрэналіну(чымсьці падобны да інсулінавага), тут, на Пцічы, такой магчымасьці няма. У такім выпадку майце з сабою звычайную ампулу й шпрыц.