Грамадзяне Расіі, якія не выканалі новыя іміграцыйныя правілы Рыгі, павінны пакінуць краіну да 13 кастрычніка, інакш ім пагражае дэпартацыя.
У сувязі з узмацненнем міграцыйнага заканадаўства, урад Латвіі загадаў 841 расійскаму грамадзяніну пакінуць краіну да 13 кастрычніка. Гэтыя людзі не здолелі своечасова прайсці абавязковую праверку на веданне латышскай мовы (узровень не ніжэй A2) і не прайшлі праверкі бяспекі, піша Politico.
Змены ў законе аб іміграцыі былі прыняты ў 2022 годзе пасля поўнамаштабнага ўварвання Расіі ва Украіну, а ў 2024 годзе правілы сталі яшчэ больш жорсткімі.
Усе грамадзяне Расіі, што жадаюць працягнуць законнае знаходжанне ў Латвіі, павінны былі да 30 чэрвеня 2025 года атрымаць статус доўгатэрміновага жыхара ЕС, даказаць валоданне мовай і прайсці спецыяльныя праверкі.
Паводле афіцыйных дадзеных, новыя патрабаванні закранулі каля 30 тысяч грамадзян Расіі. Частка з іх — прыблізна 2 600 чалавек — добраахвотна пакінула краіну. Аднак 841 чалавек не падаў дакументы ў вызначаны тэрмін, і цяпер ім загадана выехаць.
У латвійскім ведамстве па пытаннях грамадзянства і міграцыі патлумачылі, што пасля 13 кастрычніка знаходжанне гэтых асоб у краіне будзе лічыцца незаконным. Яны страцяць доступ да сацыяльных паслуг, а пры настойлівым і неабгрунтаваным парушэнні заканадаўства могуць быць дэпартаваныя Службай памежнай аховы.
Кіраўніца ведамства Майра Розэ адзначыла ў інтэрв'ю, што некаторыя людзі нават не ведалі пра новыя правілы: «Толькі калі ім перастаюць выплачваць пенсію, яны разумеюць, што нешта не так. Тэлефануюць і пытаюцца: «Чаму я не атрымліваю пенсію?» Мы адказваем: «У вас няма віду на жыхарства». Яны пытаюцца: «А дзе ён?» Мы кажам: «Трэба выконваць закон»».
У 2025 годзе Латвія актывізавала меры бяспекі ва ўмовах росту напружанасці ў адносінах з Расіяй. У чэрвені латвійскі парламент прыняў забарону для грамадзян Расіі і Беларусі працаваць у сферы крытычнай інфраструктуры і купляць нерухомасць у краіне.
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі23
Каментары
себя они воспринимают как Пуп Земли. все им должны только потому, что они русские. а все остальные это так, обслуживающий персонал.
и чем скорее им будут вправлены мозги, тем будет проще с ними жить рядом в дальнейшем.. соседей, увы, не выбирают.