Сяргея Панамарова з Клецка аштрафавалі за абразу начальніка мясцовай ЖКГ.
Сяргея Панамарова з Клецка аштрафавалі за абразу начальніка мясцовай ЖКГ. Хоць менавіта Панамароў скардзіўся ў пракуратуру на абразы з боку чыноўніка.
29 красавіка Клецкі раённы суд пакараў выдаўца незалежнага бюлетэню «Бойкі Клецак» Сяргея Панамарова штрафам у памеры 10 базавых велічынь (350 тысяч рублёў). Такім чынам суд задаволіў сустрэчную заяву начальніка мясцовай ЖКГ Аляксандра Навіцкага, які звярнуўся ў праваахоўныя органы са скаргай на абразы з боку Панамарова. Па словах апошняга, так развязалася гісторыя паўтарамесячнай даўнасці.
15 сакавіка ў Клецк прыехалі прадстаўнікі ТАА «Цэнтр па рэгенерацыі гісторыка-культурных ландшафтаў і тэрыторый», якіх Сяргей Панамароў азнаёміў з мясцовымі архітэктурнымі аб’ектамі. Калі госці прыйшлі да будынка былога вайсковага шпіталя 1903 года пабудовы, у якім цяпер месціцца адміністрацыя мясцовай ЖКГ, і пачалі яго фатаграфаваць, да іх выйшаў кіраўнік установы. Ён, па словах Панамарова, не прадставіўся, пачаў забараняць фатаграфаванне, абяцаючы выклікаць міліцыю. Калі пабачыў, што гэтую сцэну фатаграфуе Панамароў, то абразіў яго. Вынікам перапалкі стала заява выдаўца бюлетэня ў клецкую пракуратуру з подпісамі сведак здарэння. Але праз тыдзень Панамарова самога абвінавацілі ў абразе — начальнік ЖКГ падаў сустрэчную заяву. На выдаўца склалі пратакол паводле арт. 9.1 КаАП (абраза). Пры гэтым паводле ягонай заявы пратакол так і не склалі.
Першае паседжанне суда было перанесенае з-за таго, што ў суд не з’явіліся сведкі з боку Панамарова — І. Дзядко і Д. Савельеў. Не з’явіліся яны і на сённяшняе паседжанне, бо занадта позна атрымалі позвы ў суд. З боку А. Навіцкага сведчылі Д. Леаненя, С. Бацяня, і Д. Здрок — супрацоўнікі ЖКГ. Сяргей Панамароў цвердзіць, што гэтыя людзі не прысутнічалі пры сутычцы 15 сакавіка.
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары