17‑гадовы блогер, які шыкаваў на грошы са збору на хворае дзіця, зноў збіраецца разыгрываць айфоны
Юны блогер Міхаіл Драгун з Гродна скардзіцца, што не можа аддаць прызы пераможцам сваіх розыгрышаў праз блакіроўку рахункаў сілавікамі. Але пры гэтым плануе ў хуткім часе зноў пачаць разыгрываць айфоны.
Нагадаем: папулярныя блогеры з Гродна 17‑гадовы Міхаіл Драгун і 37‑гадовая Яўгенія Тарасенка праводзілі розыгрышы, каб сабраць грошы для васьмігадовага Вані Сцяцэнкі, у якога цяжкая генетычная хвароба — міядыстрафія Дзюшэна. Неабходны хлопцу ўкол каштуе $2,9 мільёна. Пара абяцала, што на прызы ўдзельнікам патраціць невялікую суму, а большую частку грошай аддасць на лячэнне Вані.
Сабраць Міхаіл і Яўгенія здолелі 1,5 мільёна рублёў. Але маме хворага дзіцяці яны перадалі толькі 200 тысяч рублёў. Яшчэ 315 тысяч рублёў выдаткавалі на прызы для ўдзельнікаў стрыму. Астатняе, як сцвярджаюць сілавікі, пусцілі на шыкоўнае жыццё.
Пра затрыманне пары сілавікі паведамілі ў пачатку лістапада, але праз 72 гадзіны блогераў адпусцілі дамоў. У сваім тэлеграм-канале Міхаіл расказаў, што яго абвінавачваюць па двух артыкулах (якіх канкрэтна, ён не называе). Але дадаў:
«З адным артыкулам я згодны і прызнаю віну, за гэты артыкул даюць штраф. З другім, што я лям сабе прысвоіў — х*й там».
У інстаграме блогер па-філасофску кажа: «Калі маю віну дакажуць, значыць, так і трэба, значыць я такі дрэнны. На сёння я ў ролі падазраванага — нават не абвінавачанага».
Нехта з падпісчыкаў спытаў, ці не адчувае Міхаіл сораму. Той адказаў, што не, бо не лічыць, што зрабіў нешта звышкрымінальнае: «Я быў арганізатарам усёй гэтай тэмы. То-бок камусьці айфон, камусьці машыну, камусьці кэш… Ну і Вані нешта даставалася».
Міхаіл прызнае, што не ўсе пераможцы атрымалі свае прызы (гаворка ідзе пра айфоны, машыны і грошы) — але сцвярджае, што не можа іх уручыць людзям выключна праз тое, што сілавікі заблакіравалі яго рахункі і забралі некаторыя рэчы.
— Айфошы (так блогер называе айфоны — НН) былі набытыя, але я проста іх не паспеў даслаць тым ранкам. Крыўдна, што ў Яўгеніі былі тры айфошы, якія нават не мае. Я хачу, каб усім усё аддалі. Забірайце ўсё, што засталася звыш, але вярніце ўсё пераможцам.
Тым не менш блогер хоча працягваць праводзіць розыгрышы. І ўпэўнены, што людзі стануць удзельнічаць, нават калі гаворка не ідзе пра нейкую дабрачыннасць. Стаўкі плануе тыя ж — па 10 рублёў за нумарок.
Пакрысе дзейнічаць Міхаіл ужо пачаў — якраз цяпер ён збірае спонсараў для розыгрышу (гарантуе кожнаму забяспечыць па 15 тысяч падпісчыкаў).
Сярод сваіх падпісчыкаў, хто адрэагуе на рэкламную сторыс, блогер абяцае разыграць два айфоны і ці то 5 тысяч, ці то 10 тысяч рублёў. Кажа, проста адчувае патрэбу парадаваць сваю аўдыторыю.
Хто тыя 17‑гадовы блогер і яго 37‑гадовая нявеста, якія шыкоўна жылі на мільён, скрадзены са збору на хворае дзіця?
Былы муж блогеркі, якая разам з 17‑гадовым жаніхом шыкавала на сабранае для хворага дзіцяці, раскрытыкаваў тых, хто гэтыя грошы ёй пераводзіў
Блогер з Гродна, якога абвінавацілі ў махлярстве на грашах для хворага дзіцяці, у інстаграме пракаментаваў сваю справу
Маці хлопчыка з Гродна, якому дапамагалі збіраць грошы затрыманыя блогеры: Яны перадалі нам 257 тысяч, для нас гэта велізарныя грошы
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары