Белчыгунка з 14 снежня ўводзіць новы графік цягнікоў

Усяго прадугледжана курсіраванне 376 пар пасажырскіх цягнікоў, у тым ліку ў Расію — 26 пар, у міжрэгіянальным злучэнні бізнэс-класа — 24, міжрэгіянальным злучэнні эканомкласа — 35, рэгіянальным злучэнні бізнэс-класа — 10, рэгіянальным злучэнні эканомкласа — 281 пара цягнікоў, у тым ліку 36 пар цягнікоў з гарадамі-спадарожнікамі г. Мінска — Заслаўем, Смалявічамі і Рудзенскам.

З 14 снежня міжнародныя пасажырскія перавозкі арганізаваны ў злучэнні Беларусь — Расія па асноўных пасажыраўтваральных напрамках у скразным і бесперасадачным злучэнні, такіх як Масква, Санкт-Пецярбург, Калінінград, Адлер, Мінеральныя Воды, Анапа, Архангельск і Мурманск.

У цэлым у графіку руху на 2026 год захаваныя ўсе ранейшыя маршруты курсіравання міжнародных цягнікоў.

У рамках развіцця дзённага хуткаснага чыгуначнага злучэння з 15 снежня ў графіку руху прадугледжанае штодзённае курсіраванне дадатковага цягніка №719/720 Масква — Мінск — Масква складам «Ластаўка».

Таксама з снежня 2025 года працягнуць курсіраваць безперасадачныя вагоны Калінінград — Мінеральныя Воды (зімовы перыяд) і Мінск — Мінеральныя Воды (летні перыяд) перыядычнасцю праз дзень, а таксама Мінск — Архангельск праз Смаленск, Маскву, Яраслаўль, Валагду перыядычнасцю адзін раз на тыдзень. Цягнік міжнародных ліній Мінск — Самара прадугледжваецца ў новым графіку руху цягнікоў).

У графіку руху пасажырскіх цягнікоў у перыяды павышанага попыту на пасажырскія перавозкі па маршрутах Мінск — Санкт-Пецярбург і Полацк — Масква таксама прадугледжаныя дадатковыя цягнікі з зручным для пасажыраў раскладам.

Для забеспячэння перавозкі ў перадвыходныя, выходныя і святочныя дні ў графіку руху прадугледжаныя дадатковыя цягнікі, якія будуць курсіраваць па найбольш папулярных у пасажыраў маршрутах як у міжнародных злучэннях, так і ў межах краіны.

Таксама быў скарэктаваны маршрут следавання цягніка міжрэгіянальных ліній эканом-класа №609/610 Гродна — Гомель — Гродна. Таксама ў выпадку цягніка Гродна — Гомель — Гродна дадаткова арганізаванае курсіраванне бесперасадачнай групы вагонаў штодзённай перыядычнасцю праз Мінск-Пасажырскі.

З снежня 2025 года па маршруце Мінск — Пінск — Мінск прызначаны новы цягнік рэгіянальных ліній бізнэс-класа перыядычнасцю курсіравання ў суботы і нядзелі, а таксама ў перадсвяточныя і святочныя дні, акрамя гэтага, у злучэнні Брэст — Мінск у панядзелкі прызначаны рэгулярны цягнік.

У выніку праведзенай сумеснай працы з аблвыканкамамі па аптымізацыі памераў руху на малаінтэнсіўных участках Ліда — Беняконі і Асіповічы — Градзянка ў сувязі з нязначным пасажырапатокам, суадносным з колькасцю месцаў у аўтобусе, чыгуначныя пасажырскія злучэнні на дадзеных напрамках замененыя аўтобуснымі.

• 0
• 0
• 1
• 0
• 0
• 0
• 0
• 0