Еўрасаюз і G7 рыхтуюць поўную забарону на марскія перавозкі расійскай нафты
Краіны Еўрасаюза і «вялікай сямёркі» абмяркоўваюць значнае ўзмацненне санкцый супраць расійскай нафты. Гаворка ідзе пра поўную забарону на аказанне любых паслуг, звязаных з марской перавозкай расійскай нафты, паведамляе Reuters са спасылкай на шэсць крыніц, знаёмых з праектам.
Новыя санкцыі павінны прыйсці на змену наяўнаму механізму «цэнавай столі», які дзейнічае з канца 2022 года. Праект разглядаецца ў межах новага пакета санкцый, які чакаецца ў пачатку 2026 года.
Цяпер заходнія танкеры і страхавыя кампаніі могуць удзельнічаць у транспарціроўцы расійскай нафты, калі яна прадаецца ніжэй за ўстаноўлены ліміт (раней $60, цяпер каля $47,6 за барэль). Прыблізна траціна расійскай нафты перавозіцца суднамі з краін ЕС і G7, пераважна грэчаскімі.
Планаваная забарона павінна цалкам спыніць такую практыку. Паводле Reuters, Еўрасаюз ужо мае ў гэтым падтрымку Вялікабрытаніі і ЗША, але канчатковае рашэнне адміністрацыі Дональда Трампа будзе залежаць ад яе палітыкі па ўкраінскім пытанні.
Паводле CREA, у кастрычніку 38% расійскай нафты перавозілі танкеры G7, астатняе — так званы «ценявы флот», які Расія сабрала для абыходу санкцый. У транспартаванні нафтапрадуктаў удзел заходніх суднаў яшчэ большы — каля 79%.
Усяго ў «ценявы флот», які, акрамя расійскай, таксама перавозіць нафту Ірана і Венесуэлы, уваходзяць больш за 1400 танкераў, з якіх 921 ужо пад санкцыямі ЗША, Вялікабрытаніі ці ЕС.
3 снежня Еўрасаюз абмяркуе новыя санкцыі
Расія страчвае кантроль над Усходняй Еўропай — але размова не пра Беларусь
ЗША гатовыя ўвесці дадатковыя санкцыі супраць Расіі, але пакуль чакаюць рашучых крокаў з боку Еўропы
Кожны шосты нафтавы танкер у свеце належыць да расійскага «ценявога флоту»
Нарвежская афера Крамля: як ценявы флот Расіі атрымліваў фальшывыя страхоўкі
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай92
Каментары
усё так, Маскоўскі імперыялізм гэта нафта - газ, “Залатая арда” (Маскоўская імперыя) можа выканаць свой бюджэт толькі пры цане УРАЛС нафты $42,4 і вышэй. Сёння кошт на скрадзеную ў Сібірскіх народаў нафту(уралс) $36, згодна БЛУМБЕРГ . І гэта галоўная частка пакойнага пляну Трампа & Еўра zviaza ))