Венесуэла выкарыстоўвае для транспартавання сваёй нафты танкеры-«зомбі»
Гаворка ідзе пра старыя судны, якія фармальна лічацца спісанымі, але фактычна працягваюць працаваць, часта пад чужымі ідэнтыфікацыйнымі звесткамі. Адзін з прыкладаў — 27‑гадовы танкер, які быў спісаны яшчэ ў 2021 годзе, але зноў з’явіўся ў нафтавых перавозках, паведамляе Bloomberg.
Паводле звестак Bloomberg, судна, якое называе сябе Freesia I, можа быць іншым караблём, што незаконна выкарыстоўвае назву і дакументы спісанага танкера. Такі метад часта ўжываецца пры транспартаванні нафты, якая знаходзіцца пад санкцыямі, каб схаваць сапраўдны маршрут і груз.
Аналітыкі адзначаюць, што Венесуэла вельмі ўмела маскіруе паходжанне і ўласнікаў нафты, ухіляючыся ад фінансавага і гандлёвага кантролю. Таму ЗША ўсё часцей пераходзяць ад эканамічнага ціску да фізічных мераў уплыву.
Паводле даных рэсурсу TankerTrackers.com, з так званага «ценявога флоту», які налічвае каля 1500 старых і незастрахаваных суднаў, Венесуэла выкарыстоўвае прыкладна 400. Гэтыя танкеры выкарыстоўваюць розныя схемы маскіроўкі: падробку каардынат, адключэнне транспондараў і выдаванне сябе за іншыя, часта ўжо спісаныя судны.
Танкер Freesia I у маі знаходзіўся ў венесуэльскім нафтавым экспартным тэрмінале Хасэ. Пасля рэйса з Паўднёва-Усходняй Азіі ён павінен быў прыбыць у порт Амуай, але пазней змяніў пункт прызначэння на «адкрытае мора» і каля берагоў Французскай Гвіяны адключыў сістэмы адсочвання.
Звычайна такія судны Венесуэла атрымлівае ад іншых краін, бо сама не мае магчымасці фінансаваць уласны флот, а наяўныя караблі занадта старыя і іх мала.
На гэтым фоне ЗША абвясцілі нафтавую блакаду Венесуэлы. Прэзідэнт ЗША Дональд Трамп заявіў, што ўлады краіны выкарыстоўваюць нафтавыя даходы для асабістага ўзбагачэння і фінансавання злачыннай дзейнасці, у тым ліку наркатрафіку, гандлю людзьмі і тэрарызму.
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары