Іран выпусціў афіцыйнае паведамленне аб закрыцці паветранай прасторы для цывільных самалётаў. Выключэнне зроблена для міжнародных рэйсаў, якія накіроўваюцца ў краіну або вылятаюць з яе па спецыяльным дазволе, піша Бі-бі-сі.
Таксама паведамляецца, што Паветрана-касмічныя сілы КВІР і сістэмы супрацьпаветранай абароны Ірана прыведзены ў стан павышанай баявой гатоўнасці.
У той час як прэзідэнт ЗША Дональд Трамп разглядае магчымасць вайсковай аперацыі супраць Ірана праз жорсткае падаўленне антыўрадавых пратэстаў, Пентагон скарачае колькасць персаналу на авіябазе Аль-Удэйд у Катары.
Паводле інфармацыі Бі-бі-сі, з авіябазы Аль-Удэйд выводзіцца таксама частка брытанскага вайсковага персаналу.
Вялікабрытанія таксама часова закрыла сваё пасольства ў Тэгеране — яно будзе працаваць дыстанцыйна.
Афіцыйныя асобы паведамілі CBS, што частковы вывад амерыканскіх войск носіць прэвентыўны характар.
Аль-Удэйд — адна з найважнейшых амерыканскіх вайсковых баз на Блізкім Усходзе; там пастаянна дыслакуюцца каля 10 тысяч вайскоўцаў і цывільных супрацоўнікаў.
Іранскія ўлады прыгразілі нанесці ўдары па амерыканскіх вайсковых базах у рэгіёне ў выпадку атакі ЗША. Пасол Вялікабрытаніі і ўсе супрацоўнікі дыпламатычнага прадстаўніцтва былі эвакуяваны на падставе ацэнкі сітуацыі і рашэння, якое аддае прыярытэт бяспецы персаналу, паведаміў прадстаўнік брытанскага ўрада.
-
Адзін з пілотаў спрабаваў накіраваць самалёт у зямлю, другі перашкодзіў гэтаму. Драматычныя падзеі на борце з Дубая ў Тэль-Авіў
-
Расійскія спецслужбы рыхтавалі забойствы Каспарава, Панамарова і іншых апазіцыянераў — El Mundo
-
Пасольства Расіі ў Ірландыі прыгразіла прымяненнем ядзернай зброі ў выпадку блакады Калінінграда
Каментары