Мэр Кіева Віталь Клічко ў каментары брытанскай газеце The Times паведаміў, што ў гэтым месяцы сталіцу Украіны пакінулі 600 тысяч жыхароў. Да вайны ў горадзе пражывала больш за 3 мільёны чалавек. Масавы ад'езд адбываецца на фоне расійскіх абстрэлаў Кіева, якія разбураюць камунальную інфраструктуру горада ў маразы.
У прэс-службе мэра патлумачылі «Украінскай праўдзе», што гэтая лічба заснаваная на дадзеных мабільных аператараў. Статыстыка паказвае, што цяпер у горадзе «начуе» на 600 тысяч тэлефонаў менш, чым звычайна.
«Адсюль лічба, якую агучыў мэр. Так, напрыклад, лічылі, колькі заставалася людзей у горадзе ў пачатку вайны (800 тысяч было). Нехта скарыстаўся парадамі і тыя, каму было куды, паехалі за горад, да сяброў. Плюс цяпер вакацыі працягнулі. Таксама студэнты на анлайн-навучанні, і частка іх раз'ехалася, хто не кіяўляне», — сказалі ў прэс-службе Клічко.
Масавы ад'езд адбываецца на фоне крытычнай сітуацыі з камунальнай інфраструктурай. Пасля маштабнай расійскай атакі 20 студзеня ў Кіеве без ацяплення засталіся больш за 5,5 тысячы шматпавярховікаў, а левы бераг сталіцы на пэўны час цалкам пазбавіўся водазабеспячэння.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»15
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары