Заходнія спецслужбы сумняюцца, што за замахам на генерала Аляксеева стаіць Украіна
Крыніцы заходніх спецслужбаў сумняюцца, што за спробай замаху на намесніка кіраўніка Генштаба РФ Уладзіміра Аляксеева стаіць украінская дзяржава, піша The Washington Post.
Хаця раней украінскія спецслужбы паспяхова ліквідоўвалі высокапастаўленых расійскіх генералаў, цяпер заходнія крыніцы не ўпэўненыя ў яе ўдзеле. Асноўная прычына сумневаў — час, калі галоўны начальнік Аляксеева, кіраўнік Галоўнага ўпраўлення Генштаба Ігар Касцюкоў знаходзіцца ў Абу-Дабі ў складзе расійскай дэлегацыі. Такая акцыя ў гэты час магла б сарваць перамовы і раззлаваць прэзідэнта ЗША Дональда Трампа.
«Яны наносілі падобныя ўдары ў мінулым, але рабіць гэта проста цяпер было б дастаткова па-вар'яцку з іх боку», — гаворыць былы высокапастаўлены прадстаўнік амерыканскай разведкі.
Падобную пазіцыю займаюць і ўкраінскія крыніцы:
«Мы не дурныя, паверце», — сказаў былы прадстаўнік украінскіх спецслужбаў, які працаваў разам з былым кіраўніком ГУР, а цяпер кіраўніком Офіса прэзідэнта Кірылам Буданавым.
Міністр замежных спраў Украіны Андрэй Сібіга ў каментары Reuters таксама адхіліў любую сувязь Украіны з замахам.
У той жа час некаторыя расійскія каналы выказваюць версію ўнутранага канфлікту. Аляксееў вядомы фразай «Забірайце, забірайце» падчас мяцяжу Яўгенія Прыгожына ў чэрвені 2023 года, калі той патрабаваў выдаць яму начальніка Генштаба Валерыя Герасімава. Акрамя таго, ён мог прыкласці руку да арышту колішняга намесніка міністра абароны Цімура Іванова.
Як паведамляе тэлеграм-канал «ВЧК-ОГПУ», Аляксееў знаходзіўся ў доме на Валакаламскай шашы без аховы, бо быў у кампаніі маладой жанчыны з маленькім дзіцём. Афіцыйнай жа жонцы генерала 63 гады, а іхнім дзецям за 30. Гэта кватэра не была пастаянным месцам жыхарства Аляксеева і разглядалася як бяспечнае месца, дзе генерала не павінны былі знайсці.
Таксама паведамляецца, што забойца трапіў у пад’езд падчас начной змены аховы, выкарыстоўваючы ключ ад дамафона. Ён нібыта ўжо затрыманы і разам з памочнікам вывезены з Дубая ў Маскву.
ТАСС паведамляе, што пасля аперацыі Уладзімір Аляксееў прыйшоў у прытомнасць у бальніцы і яго жыццю цяпер нічога не пагражае.
У Дубаі затрымалі чалавека, які страляў у намесніка начальніка ГРУ
Генерал Аляксееў, у якога сёння стралялі ў Маскве, датычны да катавання абаронцаў «Азоўсталі». Пракапенка: Справу давядзём да канца
Па падазрэнні ў замаху на генерала Аляксеева адшукваецца мужчына
Лаўроў назваў замах на генерала Аляксеева спробай сарваць перамовы
Чалавек, які страляў у намесніка начальніка ГРУ ў Маскве, прыкінуўся дастаўшчыкам ежы
У Маскве расстралялі намесніка кіраўніка ГРУ
Хто з палітвязняў выйшаў на свабоду 16 верасня ПОЎНЫ СПІС23
Каментары
А памятаеце, невероятные, левалібэралы, і агЭнтура казалі, што рашка будзе ўсімі праўдамі і няпраўдамі зрываць перамовы? Што ёй усю гісторыю было чхаць на нейкія дыпляматычныя шляхі? Ніколі такога не было і вось ізноў.
[Зрэдагавана]