Італьянская гарналыжніца стала алімпійскай чэмпіёнкай, менш чым за год аднавіўшыся пасля цяжкага пералому
35‑гадовая італьянская гарналыжніца Федэрыка Брыньёнэ сенсацыйна выйграла спаборніцтвы ў супергіганце на хатняй Алімпіядзе. Пры гэтым да апошняга моманту было незразумела, ці зможа яна ўвогуле на гульнях выступіць.
Пасля страшнага падзення ў красавіку 2025 года Брыньёнэ атрымала пералом вялікай і малой галёначных костак і разрыў крыжападобных звязак. Амаль год яна прысвяціла рэабілітацыі і стала на лыжы толькі за два тыдні да пачатку гульняў.
Спаборніцтвы ў Карціна-д’Ампеца праходзілі ў вельмі складаных умовах — снег і туман істотна ўскладнілі трасу. Многія фаварыткі не змаглі фінішаваць. Аднак Брыньёнэ на роднай трасе паказала найлепшы вынік — 1.23,41. Другое месца заняла францужанка Раман Мірадолі, трэцяе — аўстрыйка Карнэлія Хютар.
Улічваючы, праз што давялося прайсці спартсменцы, яе брат і трэнер Давідэ Брыньёнэ не змог стрымаць эмоцый. Ён неаднаразова падкрэсліваў, што вяртанне пасля такой траўмы патрабуе вялікага цярпення і сілы волі, а боль — частка працэсу аднаўлення.
Федэрыка перад тым ужо была трохразовай прызёркай Алімпійскіх гульняў: у 2018 годзе ў карэйскім Пхёнчхане яна заваявала срэбра, а ў 2022‑м — дзве бронзы. Да поўнага камплекту ўзнагарод ёй не хапала толькі золата, якое цяпер таксама ёсць.
Украінскі скелетаніст Гераскевіч пракаментаваў сітуацыю са сваёй дыскваліфікацыяй на Алімпіядзе
Адзін трэнер працуе на Алімпіядзе адразу з 16‑цю фігурыстамі з 13‑ці краін. Толькі паспявай пераапранацца
Франья фон Альмен стаў трохразовым алімпійскім чэмпіёнам
Амерыканскі фігурыст выканаў на Алімпіядзе элемент, які 50 гадоў быў забаронены, — за яго не даюць балаў, але гледачы ў захапленні ВІДЭА
Нарвежац Ёханэс Клеба стаў сяміразовым алімпійскім чэмпіёнам. Да рэкорда зусім блізка
Цяпер чытаюць
Арыштавалі прадстаўнікоў кампаніі Bayer у Беларусі14
Каментары