Фон дэр Ляен паабяцала, што Украіна атрымае заблакаваныя Орбанам 90 мільярдаў еўра «так ці інакш»
У чацвёртую гадавіну пачатку поўнамаштабнага ўварвання Расіі дэлегацыя Еўрапейскага Саюза наведала Кіеў і запэўніла, што падтрымка Украіны будзе працягвацца да дасягнення міру на яе ўмовах, паведамляе Euronews.
Кіраўніца Еўракамісіі Урсула фон дэр Ляен заявіла, што Украіна «так ці інакш» атрымае абяцаны крэдыт на 90 мільёнаў еўра, які раней быў заблакаваны Венгрыяй. Прэзідэнт Украіны Уладзімір Зяленскі раней заклікаў Еўропу выдаць гэтыя сродкі менавіта ў дзень угодкаў вайны.
Падчас візіту ў Кіеў 24 лютага фон дэр Ляен таксама пацвердзіла, што бачыць Украіну будучым членам Еўрасаюза.
У Еўрапарламенце раскрытыкавалі пазіцыю Венгрыі, якая блакуе не толькі выдачу ваеннай дапамогі, але і новы пакет санкцый супраць Расіі. Еўрадэпутаты заявілі, што падобныя дзеянні аслабляюць Еўропу і ідуць на карысць агрэсару.
Будапешт тармозіць рашэнні ЕС праз спрэчкі з Кіевам адносна транзіту расійскай нафты па нафтаправодзе «Дружба». Украіна заяўляла, што ён быў пашкоджаны ў выніку расійскіх абстрэлаў, аднак венгерскі бок сумняваецца ў гэтым.
Паведамляецца, што за чатыры гады вайны Еўрасаюз надаў Украіне дапамогу на суму больш за 200 мільярдаў еўра. Падчас цяперашняга візіту еўрапейскія лідары паабяцалі і надалей падтрымліваць краіну да часу аднаўлення міру «на ўмовах Украіны».
Сікорскі: Украіна не гатовая да ўступлення ў ЕС у 2027 годзе з-за адсутнасці ключавых рэформ
Еўракамісія прадставіла прапановы па 20‑м пакеце санкцый супраць Расіі. Яго маюць прыняць да гадавіны вайны
Еўрасаюз падоўжыў санкцыі супраць Расіі яшчэ на год
Венгрыя не разблакуе прыняцце 20‑га пакета санкцый да аднаўлення працы трубаправода «Дружба»
Каментары
Гэта канешне файна, але ж прэзідэнтам якой краіны яўляецца гэта Ляен? І хто яе абіраў на пасаду?