ФБР папярэджвала ўлады Каліфорніі пра магчымыя атакі іранскіх дронаў на ўзбярэжжа
ФБР у апошнія дні папярэдзіла паліцэйскія дэпартаменты ў Каліфорніі, што Іран можа адпомсціць за амерыканскія атакі, запусціўшы беспілотнікі па заходнім узбярэжжы ЗША. Пра гэта гаворыцца ў паведамленні, з якім азнаёмілася ABC News.
«Нядаўна мы атрымалі інфармацыю, што на пачатак лютага 2026 года Іран нібыта разглядаў магчымасць правесці раптоўную атаку з выкарыстаннем беспілотных лятальных апаратаў з неўстаноўленага судна ля ўзбярэжжа тэрыторыі ЗША, у прыватнасці па неўдакладненых мэтах у Каліфорніі, у выпадку калі ЗША нанясуць удары па Іране», — гаворыцца ў паведамленні, распаўсюджаным напрыканцы лютага.
«У нас няма дадатковай інфармацыі пра час, спосаб, мэты або выканаўцаў гэтай меркаванай атакі».
Папярэджанне з’явілася якраз у той час, калі адміністрацыя Дональда Трампа пачала сваю аперацыю супраць Ісламскай Рэспублікі. Іран у адказ наносіць удары беспілотнікамі па мэтах па ўсім Блізкім Усходзе.
Інфармацыя пра магчымыя планы Ірана здзейсніць раптоўную атаку беспілотнікамі па заходнім узбярэжжы з’явілася яшчэ да таго, як ЗША і Ізраіль нанеслі ўдары па Іране. Паводле высокапастаўленага прадстаўніка праваахоўных органаў, лічыцца, што 12‑дзённыя бамбардзіроўкі сур’ёзна аслабілі магчымасці Ірана правесці такую атаку.
Прадстаўніца офіса ФБР у Лос-Анджэлесе адмовілася каментаваць сітуацыю. У Белым доме таксама адразу не адказалі на запыт аб каментары, паведамілі ABC News: «Упраўленне па надзвычайных сітуацыях губернатара актыўна супрацоўнічае з дзяржаўнымі, мясцовымі і федэральнымі структурамі бяспекі, каб абараніць нашы супольнасці».
У шэрыфскім дэпартаменце Лос-Анджэлеса таксама заявілі, што «ў святле цяперашніх глабальных падзей» падтрымліваюць «павышаны ўзровень гатоўнасці».
«З меркаванняў максімальнай асцярожнасці і з улікам цяперашніх рэлігійных абрадаў дэпартамент працягвае ўзмоцненыя патрулі вакол месцаў набажэнстваў, культурных устаноў і іншых значных месцаў па ўсім акрузе», — гаворыцца ў заяве ведамства.
«Мы загадзя перагледзелі планы размяшчэння сіл, узмацнілі каардынацыю з патрульнымі станцыямі і забяспечылі наяўнасць дадатковых рэсурсаў на выпадак неабходнасці».
Каментатар ABC News Джон Коэн, былы кіраўнік разведкі Міністэрства ўнутранай бяспекі ЗША, заявіў, што яго турбуе магчымасць з’яўлення дронавай вайны як з боку Ціхага акіяна, так і з тэрыторыі Мексікі.
Малады работнік «Мінск-Арэны» павінен заплаціць 71 мільён даляраў4
Каментары