На мінскім прадпрыемстве падрабілі подпіс егіпцяніна ў інструктажы па тэхніцы бяспекі
42‑гадовы грамадзянін Егіпта, які збіраў духоўкі на адным з мінскіх прадпрыемстваў, атрымаў траўму падчас працы. Калі праваахоўнікі пачалі праверку, высветлілася, што інструктаж па тэхніцы бяспекі з мужчынам ніхто не праводзіў, а подпісы ў адпаведным журнале яму не належаць.
Для высвятлення ісціны была прызначана складаная почырказнаўчая экспертыза. Спецыялісты параўналі спрэчныя запісы з рэальнымі ўзорамі почырку егіпцяніна. Падчас даследавання эксперты выявілі істотныя адрозненні.
Вынік экспертызы адназначна пацвердзіў: подпіс у журнале паставіў іншы чалавек. Гэтае заключэнне стала ключавым доказам таго, што прадпрыемства парушыла правілы аховы працы, спрабуючы схаваць адсутнасць інструктажу для замежнага работніка.
Цяпер матэрыялы справы перададзеныя следчым.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары