Сэрвісы ў Беларусі больш не абслугоўваюць аўтамабілі Geely кітайскай зборкі
З 12 сакавіка 2026 года аўтарызаваныя дылеры СЗАА «Белджы» перасталі прымаць на сэрвіснае абслугоўванне аўтамабілі Geely, купленыя не праз афіцыйную дылерскую сетку Беларусі, паведамілі на сайце кампаніі.
У якасці прычыны называюць тое, што аўтамабілі кітайскай спецыфікацыі адрозніваюцца ад беларускіх мадэляў. На афіцыйных СТА адсутнічаюць тэхнічная і рамонтная дакументацыя для такіх версій, а дыягнастычнае абсталяванне сертыфікавана толькі для машын, прададзеных праз афіцыйных дылераў.
Кітайскія версіі маюць іншую прашыўку электроннага блока кіравання, несумяшчальныя каталогі запчастак і іншыя канструктыўныя адрозненні. Выкананне сэрвісных работ без адпаведнай дакументацыі можа быць небяспечным для аўтамабіля і яго ўладальніка.
Гарантыя і прававая абарона афіцыйных дылераў, такім чынам, распаўсюджваюцца толькі на машыны, набытыя праз легальныя каналы. Абслугоўванне «паралельнага імпарту» нясе юрыдычныя і рэпутацыйныя рызыкі як для кліента, так і для дылера.
Дырэктар СЗАА «Белджы» Генадзь Свідзерскі адзначыў, што рашэнне абмежаваць сэрвіс з’яўляецца клопатам пра бяспеку і інтарэсы кліентаў. Ён падкрэсліў, што адказнасць за якасць сэрвіснага ўмяшання магчымая толькі там, дзе ёсць поўная дакументацыя і сертыфікаванае абсталяванне.
Хто ўзяў новую «Джылі» з салона ў крэдыт і праз год-два не шкадуе? Меркаванні падзяліліся
Не толькі ў Беларусі. Продажы кітайскіх аўто ў Еўропе растуць шалёнымі тэмпамі
«Белджы» выпусціў лімітаваны ружовы «барбімабіль»
Продажы Geely б'юць рэкорды, а попыт на Lada падае. Чаму так?
У Беларусі амаль перасталі купляць расійскія машыны
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары