У Гродне трое школьнікаў здзекаваліся з іншага падлетка: падвесілі за партфель у прыбіральні
У Гродне адбыўся інцыдэнт з удзелам падлеткаў, якія здзекаваліся з іншага школьніка. Група хлопцаў ва ўзросце 14, 17 і 18 гадоў падвесіла падлетка за партфель на кручок у прыбіральні, пасля чаго яны разбегліся, паведамляе тэлерадыёкампанія «Гродна».
Выпадак трапіў на відэа, якое трапіла да супрацоўнікаў міліцыі. Пасля гэтага сітуацыя хутка трапіла ў поле ўвагі інспекцыі па справах непаўналетніх і педагогаў. З падлеткамі і іх бацькамі правялі гутаркі.
Высветлілася, што ўсе ўдзельнікі інцыдэнту вучацца на сярэднім узроўні і выхоўваюцца ў звычайных, знешне нічым не адметных сем’ях. Самі яны прызналі, што зрабілі гэта здуру, шкадуюць пра свой учынак і гатовыя папрасіць прабачэння.
У дачыненні да іх складзеныя адміністрацыйныя пратаколы за дробнае хуліганства. Матэрыялы перададзеныя ў камісію па справах непаўналетніх, а 18‑гадоваму ўдзельніку яшчэ пагражае судовы разгляд.
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца
У Пермскім краі школьнік хацеў падпаліць кабінет з аднакласнікамі, але ў апошні момант перадумаў і заплакаў
«Здзекаваліся з майго дзіцяці». Бацька школьніцы расказаў, як яе прымусілі прасіць прабачэння на каленях і пагражалі, што згвалцяць
У Гомелі падлетак прынёс у школу нож, каб забіць аднакласнікаў, якія з яго здзекаваліся
Каментары