Здарэнні1010

У Гомелі падлетак прынёс у школу нож, каб забіць аднакласнікаў, якія з яго здзекаваліся

Ад імя дзяўчыны ў яго папрасілі інтымныя здымкі, а пасля скінулі ў чат класа.

Ілюстрацыя з выкарыстаннем ШІ. Крыніца: vecteezy.com

«Нашай Ніве» стала вядома пра жахлівы інцыдэнт у адной з гомельскіх школ, што адбыўся напрыканцы 2021 года. 14-гадовы школьнік, якога цкавалі аднакласнікі, не вытрымаў і прынёс на ўрокі нож. Толькі выпадковасць выратавала ад трагедыі.

14-гадовы школьнік пазнаёміўся ў сацсетках з дзяўчынай. Хутка ў іх завязалася рамантычная перапіска, і дзяўчына папрасіла хлопца даслаць свае інтымныя здымкі. Нягледзячы на ваганні, ён усё ж такі зрабіў гэта.

Ужо на наступны дзень фота было апублікавана ў чаце класа, дзе яго пачалі абражаць аднакласнікі. Высветлілася, што ніякай дзяўчыны насамрэч не існуе. Адзін са школьнікаў вырашыў паздзекавацца і стварыў фэйкавы акаўнт, з якога і вёў перапіску, у тым ліку для атрымання аголеных фота.

Не вытрымаўшы працяглых знявагаў, пакрыўджаны падлетак вырашыў забіць тых, хто яго абражае. Для гэтага ён прынёс у школу нож.

Толькі тое, што хлопец прагаварыўся пра свае планы, выратавала ад трагедыі. Адзін са школьнікаў паведаміў пра нож настаўніку, той забраў яго. І справу на ўзроўні школы спадзяваліся замяць.

Аднак зацкаваны падлетак пачаў хадзіць да псіхолага. І той, даведаўшыся пра інцыдэнт з нажом, быў вымушаны па законе паведаміць у міліцыю.

Супраць падлетка завялі крымінальную справу — замах на забойства (ч.1 арт. 139 КК, ад 6 да 15 год зняволення), крымінальная адказнасць за гэта наступае акурат з 14 год. Аднак разабраўшыся, сілавыя органы прыйшлі да высновы, што сапраўднага матыву на забойства ў падлетка не было, а таму спынілі крымінальны пераслед.

Школьніка паставілі на ўлік у камісію па справах непаўналетніх. Дырэктара школы, завуча, псіхолага, сацыяльнага педагога і класнага кіраўніка прыцягнулі да дысцыплінарнай адказнасці за тое, што яны не прадухілілі інцыдэнт, у прыватнасці, недастаткова добра маніторылі сацыяльныя старонкі вучняў.

Тыя ж, хто здзекаваўся са школьніка, фактычна выйшлі сухімі з вады — у Беларусі няма адказнасці непасрэдна за булінг, а адказнасць за распаўсюд парнаграфіі (да гэтага прыраўноўваюць перасылку і публікацыю інтымных фота) наступае толькі з 16 гадоў.

Каментары10

  • Камбо
    22.01.2025
    Псіхолух паскуда.
  • сапраўдны беларус
    22.01.2025
    Схадзі к псіхолагу ці святару - і палучы крымінальную адказнасць!
    Вучыцеся на памылках другіх!!!
  • Хрыч
    22.01.2025
    Камбо,и еще какой! В любой нормальной европейской стране,психолог бы купил юному пубертатному мстителю,ружье и пачку патронов,что бы он довел дело до конца.А этот сдал его ментам! Ну ничего.В Новой Беларуси,именем этого школьника будут названы все улицы в городе Гомеле

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць