Грамадства

На Гродзеншчыне жанчына трапіла ў рэанімацыю пасля ўкусу кляшча

У Гродзенскай вобласці ўкус кляшча прывёў да цяжкіх наступстваў — пажылая жанчына трапіла ў рэанімацыю з паражэннем нервовай сістэмы. Яе шпіталізавалі ў сакавіку, паведамляе тэлерадыёкампанія «Гродна».

Як высветлілася, жанчына не надала значэння ўкусу, бо раней ужо сутыкалася з кляшчамі: яе муж паляўнічы. Аднак праз некаторы час стан рэзка пагоршыўся і спатрэбілася інтэнсіўная тэрапія. На шчасце, лячэнне завяршылася паспяхова і пацыентку выпісалі дадому.

Медыкі тлумачаць, што вірус клешчавога энцэфаліту можа паражаць галаўны мозг і выклікаць менінгаэнцэфаліт. Хвароба часта праходзіць у дзве хвалі: спачатку з’яўляюцца сімптомы, падобныя да прастуды, потым наступае кароткае паляпшэнне, а пасля — рэзкае пагаршэнне з цяжкімі неўралагічнымі праявамі.

У рэгіёне сітуацыя з клешчавымі інфекцыямі застаецца напружанай. Штогод у Гродзенскай вобласці фіксуюць да двухсот выпадкаў энцэфаліту і хваробы Лайма. Пры гэтым каля чвэрці або нават траціны хворых на энцэфаліт трапляюць у рэанімацыю, а ў часткі з іх застаюцца сур’ёзныя наступствы, якія патрабуюць доўгай рэабілітацыі.

Не менш небяспечная і хвароба Лайма. Да траціны кляшчоў у вобласці могуць быць заражаныя бактэрыямі, што яе выклікаюць. Гэтая інфекцыя здольная паражаць скуру, нервовую сістэму, сэрца і суставы. Штогод у бальніцах лечаць больш за сто такіх пацыентаў, а яшчэ тысячы людзей праходзяць амбулаторнае лячэнне.

Медыкі заклікаюць быць асцярожнымі, бо сезон актыўнасці кляшчоў толькі пачынаецца і нават адзін укус можа прывесці да вельмі сур’ёзных наступстваў.

Каментары

Цяпер чытаюць

У Санкт-Пецярбургу пры выбуху аўтамабіля загінуў палкоўнік12

У Санкт-Пецярбургу пры выбуху аўтамабіля загінуў палкоўнік

Усе навіны →
Усе навіны

«Пагоню» на камяніцы XVIII стагоддзя ў цэнтры Магілёва замалявалі па ўказанні расійскіх дыпламатаў18

Расія забыла пра «дэмілітарызацыю» і «дэнацыфікацыю» ў працэсе перамоў з Украінай29

Кітайскі BYD кідае выклік Rolls-Royce: паказаў электрычны лімузін для звышбагатых2

Прыгоды беларуса ў Аўстрыі: арыштавалі за крадзяжы ў складзе банды, спачатку лічылі палякам, а пасля ледзь не выслалі ў Беларусь4

У Расіі экс-міністра родам з Беларусі асудзілі паўторна — яму сядзець яшчэ 14 гадоў3

Беларусаў абаранілі ад схаваных плацяжоў за інтэрнэт. Што зменіцца?

Выбар невялікі. Якую кватэру ў Мінску можна зняць за 1000 рублёў у месяц?4

Заснавальнікі «Контэ» браты Байко пашыраюць свой бізнэс у сельскай гаспадарцы3

Людзі ў шоку ад дзяржынскіх яек у краме. Фабрыка патлумачыла, што здарылася18

больш чытаных навін
больш лайканых навін

У Санкт-Пецярбургу пры выбуху аўтамабіля загінуў палкоўнік12

У Санкт-Пецярбургу пры выбуху аўтамабіля загінуў палкоўнік

Галоўнае
Усе навіны →

Заўвага:

 

 

 

 

Закрыць Паведаміць