Дзесяцігадовая дзяўчынка папрасіла гендырэктара NASA зноў лічыць Плутон планетай. Ён ёй адказаў
Дзесяцігадовая дзяўчынка Каэла на сваёй старонцы ў сацыяльнай сетцы звярнулася да кіраўніка NASA Джарэда Айзекмана з просьбай афіцыйна прызнаць Плутон дзявятай планетай Сонечнай сістэмы.
Як піша выданне The Times of India, дзяўчынка ў сваім звароце пералічыла некалькі прычын, па якой гэта трэба зрабіць:
«Ён з’яўляецца часткай нашай Сонечнай сістэмы і калісьці быў планетай; гэта карлікавая планета, і яна заслугоўвае таго, каб быць сапраўднай планетай; гэта магло б зрабіць многіх людзей шчаслівымі», — напісала Каэла.
Паўтараючы сваю просьбу, яна дадала:
«Магчыма, гэта не ваш выбар, але калі гэта так, калі ласка… зрабіце гэта… Я была б вельмі, вельмі шчаслівая».
«Каэла, мы вывучаем гэта пытанне», — адказаў гендырэктар NASA.
Як вядома, Плутон меў статус дзявятай планеты Сонечнай сістэма ад часу свайго адкрыцця ў 1930 годзе. Аднак у 2006 годзе ён быў класіфікаваны як карлікавая планета і выключаны з афіцыйнага спіса планет Сонечнай сістэмы.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Каментары
Каб касмічнае цела лічылася планетай Сонечнай сістэмы, яно павінна адпавядаць тром патрабаванням:
1. Яно павінна абарочваецца вакол Сонца. (Плутон адпавядае).
2. Яно павінна быць досыць масіўным, каб пад дзеяннем уласнай гравітацыі прыняць сферычную форму. (Плутон адпавядае).
3. Яно павінна ачысціць сваю арбіту ад іншых аб'ектаў.
Менавіта на трэцім пункце Плутон «праваліўся». Ён знаходзіцца ў поясе Койпера — вобласці, напоўненай ледзянымі аб'ектамі і касмічным смеццем. Маса Плутона складае ўсяго каля 0,07% ад агульнай масы ўсіх аб'ектаў на яго арбіце. Для параўнання, Зямля ў 1,7 мільёна разоў цяжэйшая за ўсё астатняе на сваім шляху.
У пачатку 2000-х астраномы пачалі знаходзіць у поясе Койпера іншыя аб'екты, падобныя да Плутона. Асабліва важнай стала знаходка Эрыды, якая аказалася амаль такой жа па памеры, як Плутон, але больш масіўнай. Навукоўцы апынуліся перад выбарам: альбо прызнаць Эрыду (і яшчэ дзясяткі падобных цел) дзесятай, адзінаццатай і гэтак далей планетай, альбо стварыць новую катэгорыю.
Сёння Плутон афіцыйна называюць планетай-карлікам (dwarf planet). Гэта не «паніжэнне ў пасадзе», а больш дакладная класіфікацыя.