Кампанія «БелДжы» прапаноўвала кліентам зніжку на аўтамабілі. Але быў адзін нюанс
Міністэрства антыманапольнага рэгулявання і гандлю вынесла папярэджанне кампаніі «БелДжы» за парушэнні ў рэкламе аўтамабіляў.
Падставай сталі звароты грамадзян і аналіз таго, як кампанія прасоўвала праграму «Новыя цэны» для мадэлі Belgee S50. Як паказала праверка, у рэкламе падавалася інфармацыя пра нібыта зніжкі, але фактычная структура цэнаў была іншай.
Раней аўтамабіль гэтай мадэлі прадаваўся па адной цане, а пазней кампанія заявіла пра «разавую зніжку». Аднак новая базавая цана была павялічаная, таму «зніжка» разлічвалася ўжо ад больш высокага ўзроўню. У выніку рэальная цэнавая нагрузка для пакупніка фактычна не змянілася, хоць у рэкламе гэта выглядала як выгадная акцыя.
У МАРГ палічылі, што такі падыход можа ўводзіць спажыўцоў у зман адносна сапраўднай выгады куплі, таму запатрабавалі не выкарыстоўваць падобныя маркетынгавыя схемы.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары