У Дубаі пасля іранскіх удараў закрываюць на рэканструкцыю знакаміты «гатэль-ветразь»
У Дубаі на працяглую рэстаўрацыю закрываецца вядомы раскошны гатэль «Бурдж аль-Араб», які часта называюць «гатэль-ветразь». Паведамляецца, што ён не будзе прымаць гасцей амаль паўтара года.
Уладальнікі гатэля плануюць правесці маштабнае абнаўленне будынка, каб захаваць яго і палепшыць для будучага выкарыстання. Падкрэсліваецца, што гэта часовае закрыццё, а не спыненне дзейнасці.
Гатэль пацярпеў яшчэ напрыканцы лютага, калі ў рэгіёне ўзмацніўся канфлікт паміж Іранам і ЗША з Ізраілем. Тады абломкі іранскага беспілотніка выклікалі пажар у будынку. Гэта адбылося на фоне ваенных дзеянняў і ўзаемных удараў у рэгіёне Персідскага заліва.
Пазней улады Аб’яднаных Арабскіх Эміратаў заявілі, што чакаюць кампенсацыі ад Ірана за шкоду, нанесеную цывільным аб’ектам.
Закрыццё гатэля, аднак, звязана не толькі з наступствамі пашкоджанняў, але і з планамі яго абнаўлення пасля больш як 25 гадоў працы.
Каментары
З мора бачны " крыж" на гэтым " ветразе" экскурсавод байку разпавядал гэта ні выпадак
На фота таксама бачна калі прыглядзецца
Уразіл акваріум у Дубай молле з акуламі скаты салют пад Бурдж халіфам ...залаты рынак